Kulandelwa umkhondo wobulale iphoyisa
Isithombe esigciniwe: Itumeleng English/African News Agency (ANA). Isithombe esigciniwe: Itumeleng English/African News Agency (ANA).
KUTHUNGATHWA obulale iphoyisa lo mgwaqo eKensingtone eduze kwaseGoodwood, eKapa, izolo ekuseni.
Ngokusho kokhulumela amaphoyisa uColonel Andre Traut, leli phoyisa belibophe umshayeli wetekisi ongazange alandele imithetho yemigwaqo emgwaqweni u-5th Avenue noVoortrekker.
Iphoyisa kade lisendleleni eya esiteshini saseMaitland, nomsolwa ngesikhathi lihlaselwa lidutshulwa ngesibhamu salo.
Amaphoyisa aseWestern Cape asemkhankasweni wokubamba okuthiwa ubalekile emuva kokuba edubule leli phoyisa elineminyaka engu-49.
Kusaphenywa ngalesi sigameko.
Ngenyanga edlule kwadutshulwa elinye iphoyisa lo mgwaqo ezimpambanweni zaseWalmer ePort Elizabeth.
Ababulali kuthiwa babezifihle ubuso ngezigqoko.
Leli phoyisa kuthiwa lizamile ukubaleka kodwa imoto elaliyishayela yaphaphalaza yagcina isigingqikile lashona endaweni yesigameko.