#Ukhetho2019: I-IEC ichithe isikhalo sikaMbalula ngesenzo sikaMalema eqeda ukuvota
EFF leader Julius Malema addressing his supporters outside the Mponegele Primary School in Seshego, Limpopo, where he cast his vote. Picture: African News Agency (ANA) EFF leader Julius Malema addressing his supporters outside the Mponegele Primary School in Seshego, Limpopo, where he cast his vote. Picture: African News Agency (ANA)
INHLANGANO eyengamele ukuvota kuleli i-Electoral Commission of South Africa (IEC) ichithe iziphakamiso zokuthi umholi weEFF uMnuz Julius Malema uphule umgomo ngokukhuluma nabalandeli baqembu lakhe ngaphande kwesiteshi sokuvota ePolokwane.
Lokhu kulandela isikhalo esidluliswe ilungu le-ANC, uMnuz Fikile Mbalula ngokukhuluma kukaMalema nabalandeli baqembu le-EFF ngemuva kokufaka ivoti lakhe esikoleni samabanga aphansi iMponengele Primary endaweni yaseSeshego eLimpopo namhlanje.
UMalema uvotele endaweni akhula kuyo kanye nenkosikazi yakhe uMantwa, namanye amalungu omndeni wakhe. Ngemuva kokuvota, uMalema uphume wayobonga abalandeli be-EFF abebengaphandle kwalesi siteshi ngokumeseka yena nomndeni wakhe ngemuva kokushonelwa ugogo wakhe uNkk Sarah Malema odlule emhlabeni ngesonto eledlule.
UMbalula ubephawula kwi-video ebifakwe abezindaba i-African News Agency enkundleni yezokuxhuma iTwitter.
[MUST WATCH]: CIC @Julius_S_Malema after casting his vote, walking to the EFF table outside his voting station to thank Fighters and EFF voters. #IVotedEFF #VoteEFF #OurLandAndJobsNow #EFFFinalPush #IAmVotingEFF pic.twitter.com/FdpMlymMrN
— Economic Freedom Fighters (@EFFSouthAfrica) May 8, 2019
“Kungani uMalema ekhuluma nabantu ngaphandle kwesiteshi sokuvota ngoba lokho kuphambene nomthetho,” kubhala uMbalula.
UMbalula uzichithile iziphakamiso zabantu ebezimphosela inselelo ngokuthi uMnuz Cyril Ramaphosa noMnuz Jacob Zuma nabo benze okufanayo noMalema ngenkathi beqeda ukuvota eSoweto naseNkandla.
I-IEC ithe akuphambene nomthetho uma abaholi bekhuluma nabalandeli babo ngaphandle kweziteshi zokuvota.
“Abaholi bengakhuluma nabalandeli bamaqembu abo uma lokho kungeke kuphazamise ukuvota kulezo ziteshi, lokho akumele kuthathwe njengokukhankasa.”