BUKA: U-Edward Zuma akangabazi ukuthi i-ANC izolunqoba ukhetho
U-Edward Zuma uthe lolu khetho luyinkomba yokukhula kwentando yeningi waveza nokuthi akangabazi ukuthi i-ANC izolunqoba. U-Edward Zuma uthe lolu khetho luyinkomba yokukhula kwentando yeningi waveza nokuthi akangabazi ukuthi i-ANC izolunqoba.
INDODANA yalowo owayengumengameli kuleli uMnuz Jacob Zuma, uMnuz Edward Zuma, ivote eNtolwane Primary School eNkandla ngoLwesithathu ekuseni. Kulindeleke ukuthi uJacob Zuma naye avote endaweni efanayo esigodini sakwaNxamalala eNkandla namhlanje.
Bangu-1 800 abantu ababhalisele ukuvota kule ndawo, kanti kushaye u9.30 ekuseni sebe balelwa ku250 abese bevotile njengoba abomphakathi bevuke ekuseni ngovivi bebheke endaweni yokuvota.
U-Edward Zuma uthe lolu khetho luyinkomba yokukhula kwentando yeningi waveza nokuthi akangabazi ukuthi i-ANC izolunqoba.
Njengoba i-ANC ilandelwa yizinsolo zenkohlakalo kubaholi beqembu, uZuma uthe inhlangano isiqalile ukufeza izithembiso zayo zaseNasrec ngo-2017 zokulwa nenkohlakalo.
Edward Zuma cast his vote on Wednesday morning at Ntolwane Primary School in Nkandla. Video: Samkelo Mtshali
"Silindele ukuthi eminyakeni emihlanu ezayo i-ANC kube iyona nhlangano ehola impi yokuqeda inkohlakalo kuleli," kusho uZuma.
UNksz Baqaphele Thusi waKwaNxamalala uthe ufike endaweni yokuvota ngo-7 ekuseni futhi ujabule kakhulu ngokuvota okwesithuba empilweni yakhe.