BUKA: UTipcee noBabes Wodumo enkantolo ngecala lokushaya
UBabes Wodumo (Bongekile Simelane), uTipcee (Thobeka Ndaba) nodadewabo kaBabes uNondumiso Simelane, bavele enkantolo yeMantshi eThekwini ngoMsombuluko. UBabes Wodumo (Bongekile Simelane), uTipcee (Thobeka Ndaba) nodadewabo kaBabes uNondumiso Simelane, bavele enkantolo yeMantshi eThekwini ngoMsombuluko.
ABACULI beGqom’ abazidalele amazinyo abushelelezi nabezomthetho ngeledlule bengaveli enkantolo ngosuku ababebizwe ngalo, bagcine bezinikelile emaphoyiseni bavela enkantolo yeMantshi eThekwini ngoMsombuluko.
UBabes Wodumo (Bongekile Simelane), uTipcee (Thobeka Ndaba) nodadewabo kaBabes uNondumiso Simelane, bavele kule nkantolo kulandela ukukhishwa kwencwadi egunyaza ukuthi baboshwe kulandela ukungaveli kwabo ngoLwesihlanu odlule.
Bobathathu basolwa ngokutitinya owesifazane okuthiwa uwumngani ngenyanga edlule eMbilo, eThekwini.
FUNDA:
Kuthiwa lo wesifazane bamshaya kulandela ukumsola ngokuputshuza amavideo abo bendawonye ngesikhathi udaba lokushaywa kukaBabes nguMampintsha lusematheni. Lo wesifazane kuthiwa bamshaya walimala engalweni nasemlenzeni kwadingeka ukuthi aye esibhedlela.
UBabes Wodumo (Bongekile Simelane), uTipcee (Thobeka Ndaba) nodadewabo kaBabes uNondumiso Simelane, bavele enkantolo yeMantshi eThekwini ngoMsombuluko.
Video: Anelisa Kubheka
UBabes wavela kulawa mavideo kulandela isimemezelo sikayise uMfundisi Welcome Simelane sokuthi usezandleni zodokotela kulandela ukusabalala kwevideo yakhe eshaywe uMampintsha.
Ngesikhathi bevela enkantolo ngoMsombuluko, iMantshi ithe icala labo lizobhungwa ngemuva kwesidlo sasemini njengoba ibisalinde izincwadi ezigunyaza ukuboshwa kwalaba basolwa.
Udaba oluphelele ephephandabeni lakho kusasa.