Ufakwe ngaphansi komlawuli umasipala wase Estcourt
Nomusa Dube-Ncube, KZN MEC of Co-operative Governance and Traditional Affairs. Picture: Mandla Mkhize Nomusa Dube-Ncube, KZN MEC of Co-operative Governance and Traditional Affairs. Picture: Mandla Mkhize
UMASIPALA omusha waKwaZulu-Natal, Inkosi Langalibalele ose-Estcourt usufakwe ngaphansi komlawuli.
Izolo ithimba lezikhulu zoMnyango wokuBusa ngokuBambisana nezoMdabu zifike kulo masipala zathula ngokusemthethweni uMnuz Thandolwethu Manda. UManda nguye onikwe umsebenzi wokushintsha izinto kulo masipala emuva kokushintsha isimo kuMasipala Abaqulusi, eVryheid.
Umasipala Inkosi Langalibalele isungulwe ngo-2016 emuva kokuhlanganiswa kukaMasipala Imbabazane noMtshezi.
Yize unonyaka usebenza kodwa unohide lwezinkinga okubalwa kuzo ukungabikho kwemali okuholela ekutheni kungathunyelwa izidingo kubantu.
UMnuz Lennox Mabaso obhekelele ezokuxhumana eMnyangweni wokuBusa ngokubambisana nezoMdabu, uthe izinkinga ezikulo masipala akumele zenziwe ihaba.
"Umasipala omusha ujwayele ukuba nezingqinamba. Ukuhlangiswa komasipala abakhe Inkosi Langalibalele kwehlise isibalo somasipala sabasusa ku-61 baya ku-54," kusho uMabaso.
Uthe bazokwenza konke okusemandleni ukusiza lo masipala nokubuyisa izinto ezimweni esijwayelekile.