UTinkler nenkinga ngoNdoro noMajoro
Lehlohonolo Majoro of Orlando Pirates is challenged by Tshepo Rikhotso of Bloemfontein Celtic during the Absa Premiership match between Orlando Pirates and Bloemfontein Celtic on 27 February 2016 at Orlando Stadium Pic Sydney Mahlangu/ BackpagePix Lehlohonolo Majoro of Orlando Pirates is challenged by Tshepo Rikhotso of Bloemfontein Celtic during the Absa Premiership match between Orlando Pirates and Bloemfontein Celtic on 27 February 2016 at Orlando Stadium Pic Sydney Mahlangu/ BackpagePix
MBONGISENI BUTHELEZI
EseGoli
U MGADLI we-Orlando Pirates, uLehlohonolo Majoro kungenzeka kube nguye oqalayo uma leli qembu selidlala nezimbangi iKaizer Chiefs emdlalweni weNedbank Cup Last 32 eFNB Stadium ngoMgqibelo. Umdlalo uzoqala ngo-3.30 ntambama.
Umqeqeshi wePirates, u-Eric Tinkler uthe ukukhombisa ukunyusa izinga kukaMajoro emidlalweni emibili edlule kuzomenza abambe ayeke ngokuthi ngubani okumele agadle ngaye phakathi kwabagadli, uTendai Ndoro noThamsanqa Gabuza.
UTinkler uncome uMajoro ngemuva komdlalo we-Absa Premiership abahlule kuwo iBloemfontein Celtic ngo 1-0. Igoli lishaywe uMpho Makola obekuyi-free kick esiwombeni sesibili.
Lo mqeqeshi ukusho lokhu, ngesonto eledlule ubekhala ngokuphathwa yikhanda ngokuthi yimuphi umgadli azoqala ngaye emdlalweni weCeltic ngemuva kokuthi uNdoro washaya amagoli amabili bedlala iMpumalanga Black Aces.
“Kungenzeka kube nguye uMajoro oqalayo kulo mdlalo ngoba udlale kahle. Uthuthukile kwakwenzayo. Ngizothatha isinqumo maphakathi nesonto.
Angilibonanga iphutha kuyena njengoba besidlala neCeltic.
“Angazi ngizofaka bani ngoba noTendai Ndoro udlale kahle, bengingafuni ukumkhipha uMajoro njengoba lokho bekuzobulala ukuzethemba. Usebenze ngokuzikhandla. Yilokho okungijabulisayo. Angazi ngizokwenze njani ngoba noThamsanqa Gabuza naye uyabuya. UGabuza ngithe akayophumula ngoba ubenegcindezi enkulu evela kubalandeli futhi engenayo inhlanhla yamagoli,” kusho uTinkler.
Uthe okuhle ngomdlalo weChiefs wukuthi kuba lula kuyena njengomqeqeshi ngoba wonke umdlali uyazimisela.
“Kuleli sonto abekho abadlali abazothi balimele futhi akekho ozobe efika sekudlule isikhathi ejimini,” kusho yena.
Lo mqeqeshi uthe iNedbank Cup sekuyithemba labo lokugcina lokubuyela emidlalweni ye-Caf ngonyaka ozayo. Iqembu elinqoba lo mqhudelwano lidlala kuConfederation Cup.
“Sibheke ukuthi sibuyele e-Afrika siyodlala emiqhudelwaneni yeCaf ngonyaka ozayo. Lokho singakwenza ngokuthi sinqobe iNedbank Cup. Okunye kufanele sigxile ekuyeni phezulu ku-log. Thina silindeleke ukuthi sibuyele e-Afrika ngoba singabakhona,” kusho uTinkler.
Uthe bayafisa ukuthi iChiefs neMamelodi Sundowns benze kahle e-Afrika. “Sibafisela inhlanhla kodwa kasifuni ukuthi banqobe indebe yase-Afrika thina singakayinqobi kuqala,” kusho uTinkler.
Imidlalo yeNedbank Cup Last 32:
NgoLwesithathu: Santos v Mthatha Bucks (7.30pm, Athlone Stadium); Maritzburg United v Black Leopards (7.30pm, Harry Gwala Stadium).
NgoLwesihlanu: Bidvest Wits v Bloem Celtic (8pm, Bidvest Stadium); Steenberg United v Platinum Stars (8pm, Athlone Stadium).
NgoMgqibelo: Orlando Pirates v Kaizer Chiefs (3pm, FNB Stadium); Golden Arrows v Milford FC (3pm, King Zwelithini Stadium); EC Bees FC v Magesi FC (3pm, Buffalo City); University of Pretoria v Polokwane City Rovers (8.15pm, Tuks Stadium).
NgeSonto: Polokwane City v African All Stars (3pm, Peter Mokaba Stadium); Chippa United v Baroka FC (3pm, Buffalo City Stadium); Highlands Park v Mamelodi Sundowns (3pm, Makhulong Stadium); Sibanye Golden Stars v Mbombela United (3pm, Griffons Rugby Stadium); United Rovers v Black Aces (3pm, GWK Rugby Stadium).
NgoMashi 8: Moroka Swallows v SuperSport United (7.30pm, Dobsonville); Jomo Cosmos v AmaZulu (7.30pm, Olen Park).