UMugabe akazifuni izitabane eZimbabwe
Zimbabwe's President Robert Mugabe listens as Finance Minister Patrick Chinamasa presents the country's 2014 National Budget to Parliament in Harare, December 19, 2013. Mugabe, who won a disputed election on July 31, struggles with an economy that is shedding jobs, failing to woo foreign investors and racked by electricity shortages. REUTERS/Philimon Bulawayo (ZIMBABWE - Tags: POLITICS BUSINESS) Zimbabwe's President Robert Mugabe listens as Finance Minister Patrick Chinamasa presents the country's 2014 National Budget to Parliament in Harare, December 19, 2013. Mugabe, who won a disputed election on July 31, struggles with an economy that is shedding jobs, failing to woo foreign investors and racked by electricity shortages. REUTERS/Philimon Bulawayo (ZIMBABWE - Tags: POLITICS BUSINESS)
UMENGAMELI waseZimbabwe uMnuz Robert Mugabe uveze ukuthi uyahambisana nemithetho esanda kushaywa e-Uganda elwa nobutabane, wase esikisela ngokuthi nakwelakhe izwe kuzoba ngesifanayo, ngokwemibiko yabezindaba izolo.
Ugxeke amazwe asentshonalanga ngokujezisa iKampala ngokumisa imali yokusiza emuva kokuthi uMengameli Yoweri Museveni esayine umthetho oqeda nya ngobutabane kuleli lizwe elisempumalanga ye-Afrika.
“Bona (intshonalanga) bafuna ukusitshela ukuthi kungukwephu-la amalungelo abantu, yilokho aba-kwenza kuMuseveni njengamanje,” usho kanje uMugabe.
“Ilungelo lakho onalo njenge-ndoda ngukuthi ushade umuntu wesifazane hhayi ukuthi ushade nenye indoda, siyakuphika lokho,” kusho uMugabe emshadweni wendodakazi yakhe eyodwa uBona.
Phambilini uMugabe wake washo ukuthi ubutabane abuhambisani nenqubo yama-Afrika, useke wachaza izitabane njengabantu ababi ukwedlula izingulube nezinja.
“Ngumhlaba omubi lo esiphila kuwo. Ngumhlaba omubi lapho abantu befuna ukwenza izinto abazitshela ukuthi zizoqhubezela phambili izinhloso zabo.”
Uthe kuze kube yimanje ubengenalo ulwazi lokuthi kunenhlangano yezitabane eZimbabwe. Wexwayisa ngokuthi uzofuna ukwazi ukuthi ngobani amalungu ayo le nhlangano.
“Ngiyezwa nje ukuthi kunenhlangano yezitabane. Bengi-ngazi kodwa ngitshelwe kuthangi. Ngakho-ke sifuna ukubheka ukuthi ngabe ngubani oyilungu lale nhlangano,” kusho Mugabe.
I-Gays and Lesbians Association of Zimbabwe (GALZ) kade yaba khona kuleli zwe yize uMugabe ehlale ekhombisa ukungazifuni izitabane. – Sapa-AFP