Kudutshulwe kwabulawa omunye wofakazi bekhomishana kaMadlanga

Ufakazi weKhomishini kaMadlanga odutshulwe wabulawa phambi komkakhe nezingane ngoLwesihlanu ebusuku. Lo fakazi uhlonzwe njengoWitness D, uMarius 'Vlam' van der Merwe.

UVan der Merwe wayeyilungu le-EMPD futhi engumnikazi weQRF Task Team. Okhulumela amaphoyisa kazwelonke uBrigadier Athlenda Mathe ukuqinisekisile ukuthi amaphoyisa alunywe indlebe ngesigameko sokudubula eBrenthurst, eBrakpan, ngoLwesihlanu.

Ibamba likaKhomishana wamaPhoyisa eGauteng uFreddy Kekana uthi ‘uWitness D’ udutshulwe ngaphandle komuzi wakhe eBrakpan kukhona unkosikazi wakhe.

UKekana uthi uphenyo lokuqala, njengoba lutholakala kumakhamera endaweni, kuveza iNissan MP200 emhlophe enokhanopi.

Uqhube wathi amaphoyisa ayazi ngokwenzekayo kodwa athungatha umuntu okunguyena odubulile.

Emasontweni amathathu edlule, u-van der Merwe wasola u-Brigadier Julius Mkhwanazi woMnyango Wamaphoyisa kaMasipala waseKurhuleni ngesenzo esingalungile, ethi uMkhwanazi wamyalela ukuthi afihle icala lokubulala umsolwa ezandleni zamaphoyisa ngokuthi aphinse isidumbu sikamufi edamini noma emgodini wemayini engasasebenzi.

Ubufakazi bukaVan der Merwe bebungekho kumakhamera.