Kutholakale izidumbu zabamuka nomfula eNew Hanover
Isidumbu sikhishwa emfuleni ithimba labatshuzi
Image: Cogta KZN
Umphathiswa wezokuBusa ngokuBambisana neziNdaba zoMdabu KwaZulu-Natal, uMfundisi Thulasizwe Buthelezi, namuhla uveze ukuthi sezitholakele izidumbu zababili abamuka namanzi eNew Hanover, eMshwathi.
Izikhukhula zahlasela le ndawo ngeSonto mhlaka-23 Novemba, zacekela phansi izindlu zakhukhula abantu abathathu. Isidumbu esisodwa satholwa ngemuva kosuku kwenzeke isigameko, kwasala ababili abangaziwa.
Ekuseni namhlanje kutholwe izidumbu ezimbili khona emfuleni okwakucingwa kuwo injasuthi. Amathimba alawula izinhlekelele njengamanje enza inqubo yokukhipha. Kuzolandela uhlelo olunzulu lokuhlonza izidumbu ngokubambisana nemindeni.
Isidumbu sikhishwa emfuleni injasuthi eNew Hanover
Image: Cogta KZN