Sizokwanda ngeLepas isibalo sezaseChina ezidayisa izimoto kuleli
I-SUV entsha iLepas L8 okulindeleke ukuthi ifike eNingizimu Afrka ngonyaka ozayo
Image: sitthunyelwe
SIZOKWANDA isibalo sezinkampani zezimoto zaseChina kulandela isimemezelo sokwethulwa kweLepas ezoqala ukudayisa ngo-2026.
ILepas yinkampani eyethulwe emhlabeni jikelele ngo-Ephreli kulo nyaka yiChery.
Igama kuthiwa lakhiwe ngokuhlanganisa u-“leap” no-“passion”.
Izibule ngeSUV entsha iL8 nokuyiyo ezotheleka kuleli ngonyaka ozayo.
Ngokuzayo kuzokwenziwa namanye amaSUV okuyiL6 ne-L4.
Ama-SUV ayo iwachaza ngobutsetse obugabe nangobuchwepheshe nokubukeka sengathi izobangisa izingqungqulu zaseJalimane nezinye.
Izimoto zayo zinezinhlobo ezahlukene zezinjini okungezijwayelekile zikaphethroli, ama-plug-in hybrid nezikagesi wodwa.
Izinkampani zaseChina ezidayisa eNingizimu Afrika kubalwa kuzo iGMW, BYD, JAC, Jetour, Gac Motor, Omoda nezinye.