Sikhulu isililo ngokufa kukaSkebenga
CHARLES KHUZWAYO|Published
USkabenga owazakhele udumo e-Oyster Box Hotel, eMhlanga ushone eneminyaka ewu-19 ngoLwesithathu.
Image: Sithunyelwe
ISEMATHENI kulezi zinsuku indaba yokudlula emhlabeni kwekati ebelidume umhlaba wonke, uSkabenga.
Leli kati elishone selineminyaka ewu-19 ngoLwesithathu, lizakhele udumo e-Oyster Box Hotel, eMhlanga. USkabenga ubehlale emukela yonke inhlobo yosaziwayo nabaholi bamazwe ngamazwe.
Bambalwa abantu abake bahambela leli hhotela abangathi abamazi uSkabenga, obekunguSgebengu ngesiZulu. Ubevamise ukuphuma eziteshini zethelevishini nasemaphephandabeni.