Izithombe Zemicimbi

Zimbili Vilakazi|Published

Bebeswenke beconsa behambisana noNkk Mathembi Shange (ophakathi nendawo) waseMzinto kwaMgayi ekwiGala Dinner ebise-Blue Waters Hotel

KUBA mnandi uma kuhlangene imindeni, izihlobo nabangani kudliwa izibiliboco, kugeleza neziphuzo. Sikuphathele imicimbi ehlukene exoxwa ngezithombe. Uma ufisa ukuthi izithombe zomcimbi wakho zishicilelwe kuleli khasi, zithumele nge-email ethi: [email protected]. Bhala kafushane ukuthi bekuwumcimbi kabani? Umayelana nani? Ukuphi? Uma esithombeni kukhona abayisihlanu kuya phansi, sicela nibhale amagama nezibongo zomuntu ngamunye. Izithombe zemicimbi sezishicilelwa njalo ngoLwesibili.

Bezibuya emcimbini kaNksz Buso Ngcobo elethelwa isidwaba uMnuz Khomo eMvini, eCato Ridge
Bekukuhle kudelile uMandla Chris Zondi wodumo lwasezinkundleni zokuxhumana ehlangenise ayefunda nabo ebese kuphele iminyaka engu-22 bagcinana eBlue Lagoon eThekwini
Abafudi bezikole ezehlukene KwaMashu bacotshelelwe ngolwazi lwemikhakha yemisebenzi abangayifundela emcimbini obusehholo kwaG. Lo mcimbi ubuhlelwe inhlangano engenzinzuzo iWomb of the Seed
UMnuz Sphamandla Madlala noNksz Nondumiso Ngcobo behalaliselwa ngumndeni ngesikhathi beshada eNtsika Lodge eMgungundlovu
Babe ngofakazi bokuthi uMnuz Sphamandla Madlala umthatha ngempela uNksz Nondumiso Ngcobo ukuba abe ngunkosikazi wakhe
Injabulo ibhalwe ebusweni kuMnuz Sphamandla Madlala obebopha ifindo likasofa silahlane nesinqandamathe sakhe uNksz Nondumiso Ngcobo, eNtsika Lodge eMgungundlovu