Kuzofinywa ngendololwane koweThekwini Shisanyama Festival
Sondeza usawoti nanka amaqatha aqalazayo koweThekwini Shisanyama Festival
Image: Sithunyelwe
Kobe kushunqa intuthu uhlohloziswa amaqatha aqalazayo kulo nyaka koweShisanyama Festival eThekwini.
Le ndumezulu yomcimbi ehlanganisa abantu abathanda ubumnandi, inyama, iziphuzo ezehla esiphundu nomculo omnandi ithembisa lukhulu ehlanganisa abantu abasuka ezindaweni ezahlukene ePeople's Park eThekwini ngomhla ka25 kwephezulu.
Abahleli bomcimbi bathi bahlose ukuhlanganisa imiphakathi, ukhuthaze ukuzigqaja ngamasiko, kanye nokuqhuba amathuba ezomnotho ngokusebenzisa ubudlelwano bendawo kanye nezinhlelo zokudala amathuba emisebenzi.
Umcimbi we-eThekwini Shisanyama Festival uhlose ukukhombisa ukusebenza kahle kwamalokishi, ukugqugquzela amathuba ezomnotho esimeme, nokuhlanganisa imiphakathi ngomoya ofanayo wobumnandi.
Kubhekwe ubumnandi bodwa koweThekwini Shisanyama Festival ngempelasonto ezayo.
Image: Sithunyelwe
Kwabazonandisa, kuboshelwe iGoldmax, Asvante, DJ Muntu, DJ Nzwiri, Loki, Xola TSM, DJ Happygal,nabanye.
UHappygal onguDJ nomsakazi weGagasi FM uthi lona ngumcimbi omkhulu ozoletha ubumnandi obusezingeni.
“Lo mcimbi ungowohlobo olukhethekile, sikuthakasele ukunambitha ukudla okumnandi okwenziwa yizikhungo ezahlukene. Lokhu akusikhona okwethu nje, singabaculi, kodwa kuzogqamisa nosomabhizinisi,” kusho uHappygal.
"Isitayela seshisa nyama sibambe iqhaza elikhethekile esikweni lethu, sihlanganisa abantu futhi sisiza abaningi ngezindlela zokuziphilisa. Le festiveli ingaphezu komcimbi nje," kusho uLunga Mkhize, weMetro Gents, Umlazi.
Lo mcimbi uhleleke ngendlela eyisimanga, kanti kunamazinga ahlukene wokuhlala ahambisana nephakethe lomuntu. Abadayisi bazobe bengangoZulu ebuya emakhane, bedayisa izinhlobonhlobo zezoso.
Ubumnandi buzoqala ngapgambi kosuku olukhulu lapho kuhlelwe imicimbi emincane yokukhuthaza abantu ukuba baphume ngobuningi bawo ngosuku olukhulu.
Ubumnandi bodwa kudliwa inyama
Image: Sithunyelwe