I-Unilever ishintshe umshovo yethula iFuture Menus 2025

I-UNILEVER Food Solutions (UFS) yethule uhlelo lwabo olusha olwaziwa nge-Future Menu 2025 Vol. 3 ngochungechunge olunombukiso wezokupheka emahhovisi abo aseLa Lucia, eThekwini, ngoLwesine. Lo mcimbi uhlanganise abapheki abaphezulu, ithalente elikhulayo, abanikazi nabasebenzi basemahotela nezitolo ezidayisa ukudla okuphekiwe nabaholi be-service yokudla ukuze bahlole isitayela esisha sokwakha ama-menu esimanje. Kuwo wona lo mcimbi kubuye kwagoqwa umncintiswano wakulo nyaka wokukhetha uMpheki Wonyaka ka-2025.

I-Future Menu iwuhlelo lwe-UFS lomhlaba wonke olwenzelwe ukukhuthaza abapheki nabasebenzi ngezixazululo ezisebenzayo eziholwa ngokuqondisisa, eziphendula izidingo eziguqukayo zabathengi. Kulo mcimbi, izithameli zihlole ama-menu amane (Street Food Couture, Borderless Cuisine, Culinary Roots,  ne-Diner Designed), kwawayisishiyagalombili akhiqiziwe, wonke ama-menu ayatholakala ku-website ye-UFS kanye nezithako zakhona kulabo abafuna ukuwazama emakhaya.

Izihambeli zomcimbi zizizwele ukunambitha bukhoma, izinhlobonhlobo zokudla okumnandi okuthakwe ngendlela engajwayelekile, isushi eyenzewe ngempuphu yamabele, ngeke ngiwushiye u-ice cream othakwe ngomqombothi wathakwa ngempuphu ye-tiramisu etholakala kuzo zonke izitolo ezinkulu kuleli. Ukudla kwe-street food, bekuhlolwa i-cauliflower tacos, kukhona nophaya owenziwe nge-chakalaka ne-wors.

"Lezi zitayela azizona nje izimfashini ezidlulayo," kusho uChef Mary Worthington, umpheki oyiCulinary Experience Advisor kwa-UFS. “Izindlela ezisebenzayo zokuthi abapheki bahlale bexhumene nazo, balethe izitsha ezidlulisa ukunambitheka, futhi ugcine amamenyu ehambisana.”

Ingxenye yesibili yomcimbi nayo ebibaluleke kakhulu, yileyo yokuklonyeliswa kwabapheki abahamba phambili emcintiswaneni woMpheki Wonyaka obubhekwe ngabomvu ka-2025. Lapha bekuhlolwa amakhono ahlukene wabapheki, ubuciko bokuqamba, izitayela ezintsha ezingajwayelekile, kanjalo nekhono lokusebenzisa isithako esiyimfihlo abanikezwe sona ukuba basisebenzise ekudleni abakuphekayo. Umgubho wobuciko bokuqamba, ukuqamba okusha, kanye nethalente.

Abawinile bamenyezelwe baklonyeliswa ngezindondo ezihambisana namasheke:

ABAPHEKI ABASAFUFUSA Chef of the Year 2025

Odle umhlanganiso: Pholoso Sebola (The Marriot Hotel)

Endaweni yesibili: Lakishia Dayalram (1000 Hills Chefs School)

Endaweni yesithathu: Banyana Monyuku (The Marriot Hotel)

ABAPHEKI ABADALA - Chef of the Year 2025

Odle umhlanganiso: Zandria De Nobrega (The Fusion Cooking School)

Endaweni yesibili: Olwethu Vivi (Louisvale Wines)

Endaweni yesithathu: Melusi Twala (The Marriot Hotel)