UVusizwe Langa uthathe indawo kaTshatha kuKhozi

Fanelesibonge Bengu|Published

Vusizwe UVusizwe Langa

Image: Facebook

Sivalwe wuVusizwe Langa isikhala sikaTshatha Ngobe ohlelweni lukamasikandi iSigiya Ngengoma ngoMgqibelo kuKhozi FM.

NgoMsombuluko ekuseni abaphathi boKhozi bamemezele izinguquko ezizoqala emoyeni ngo-Ephreli 1.

UVusizwe usezoyibamba noBingelela Mpanza. UTshatha usezoqhubeka nohlelo lwakhe iWoza Nabangani Bakho noSelby Mkhize ntambama phakathi nesonto.

Kubuyiswe indodakazi yolahleko uSthandwa Nzuza kuKhozi FM owahamba oKhozini ngo-2019 kulandela ukuthi inkontileka yakhe ingavuselelwa.

Usezongena ngo-6 kuya ku-9 ebusuku ngoMgqibelo ohlelweni obelwenziwa nguKhetha Gwala.

Ngo-12 kuya ku-3 ntambama ngoMgqibelo uMaFresh wuye osezothatha ngokugcwele iTop 20 eyashiywa wuMandla Magwaza ngonyaka odlule.

Ohlelweni olwalwenziwa wuZanele Mbokazi ngeSonto ekuseni i-Eshilo isizothathwa wuPhindi P.

Igama likaSiya Mhlongo osekunesikhathi engazwakali emoyeni kulandela ukuvulelwa icala lokushaya alimenyezelwanga. Uhlelo abelwenza Ubusuku Obuhle ngo-8 kuya ku-12 ebusuku ngoMsombuluko kuya kuLwesine seluzokwenziwa wuNkosinathi Mshengu.

Izinhlelo zasekuseni kuya emini phakathi nesonto azishintshanga.