Ubenamava eminyaka kwezokulingisa uNandi
Nandi Nyembe
Image: MLA
UNANDI Nyembe okuvele izindaba zokudlula kwakhe emhlabeni ngoMgqibelo ebusuku, ubengumakadebona kwezokulingisa njengoba ebeneminyaka engaphezu kuka-50 kulo mkhakha.
UNandi (75) wangena ekulingiseni ngo-1971 edlala emdlalweni weshashalazi owawubhalwe uSol Rachilo.
Ngokomlando okwi-website yenkampani ebiphethe izindaba zakhe kwezokulingisa iMLA, uqale ukusebenza eMarket Theatre ngo-1979, kodwa hhayi njengomlingisi. Kunalokho ubesebenza endaweni yokucima ukoma kodwa abaqondisi ababevakashele khona balibona ikhono kuye.
Nandi Nyembe
Image: MLA
Imidlalo yeshashalazi imenze wahambela amazwe omhlaba okubalwa kuwo iFrance, Germany, United States of America nase-United Kingdom elingisa emdlalweni iSophiatown ngo-1980.
Eminye imidlalo alingise kuyo kubalwa iCurl UP and Dye ne-Afrika My Child eMarket Theatre. Ulingise nakwiHorn of Sorrow eyayikhuluma ngobhejane.
Kwithelevishini lapho abaningi abamazela khona, uqale ngo-1980 emdlalweni i-If The Be Treason neBra Solly’s Kitchen.
Nandi Nyembe
Image: MLA
Usebenze kakhulu nenkampani iBomb Shelter emidlalweni yayo eminingi. Kubalwa iYizo Yizo, Zone 14, Isibaya neSithembiso. Eminye imidlalo abe kuyo yiGazlam, The Queen, Isono, The River ne-Adulting.
Udlale nakwiHow to Ruin Christmas kwiNetflix.
Nasemafilimini akasalanga ngaphandle njengoba edlale kwi-A Reasonable Man, Saturday Night at the Palace, Yesterday, Place of Weeping neCourting Anathi.
Nandi Nyembe
Image: MLA