Babheme bakholwa abantu baseZingolweni
UNGIZWE Mchunu ubeyingxenye yezicukuthwane ebezihambele iNkosinathi Mgcabangelwa Tournament 2023 eDunywa Primary, eShobeni Isithombe:SITHUNYELWE
IZIHLWELE ebeziphume ngobuningi bazo ukuzothamela indumezulu yomcimbi iNkosinathi Mgcabangelwa Cele Tournament 2023 eDunywa Primary, eZingolweni zibheme zakholwa. Zizitike ngomculo nangemidlalo enhlobonhlobo maqede zabuyela emakhaya seziqiqinge izijumbane emuva kokugubha uJuni 16.
Umgqugquzeli walo mcimbi waminyaka, uNkosinathi Cele, uthe inhlosongqangi ngalo mcimbi ukukhumbula uyise ongasekho, uMgcabangelwa. Uthe sekuwunyaka wesikhombisa efukula umphakathi wangakubo futhi ewupha nezipho. Kulo mcimbi bekushiyelana inkundla amaciko ahlukahlukene, okubalwa kuwo uDJ Tira, DJ Bongz, Zeal Dladla, Ngizwe Mchunu, Thukilano, DJ Happy Gal, Zakwe noDuncan, Mzimba noVusi boZalo, DJ 101, DJ Slwane, Inqanawe, Kaymusiq, DJ Phumla M nabanye.
Amalungu omphakathi abuyele emakhaya ephethe izijumbane kanjalo nabafundi banikelelwe ngemifaniswano. Esephetha uCele uthe sekuwunyaka wesikhombisa efukula umphakathi wangakubo.