KwaBMW 'bavusa' iGusheshe ne-333i ngezekhethelo

Kwa-BMW South Africa ‘babuyisa’ izintandokazi zakudala iGusheshe i-325iS ne-333i ngokwenza ezekhethelo ezingu-66.

I-325iS iseyintandokazi namanje kwabaningi kanti i-333i yona yayakhiwe ngesibalo esikaliwe.

Zombili zizobuyiswa ngokuthathwa kwe-2 Series ishunwe bese idayisa esidlangalaleni online. Imali ezokwenziwa izonikelelwa izinhlangano ezixhaswe yiBMW Group South Africa.

I-325iS Homage okuzokwenziwa angu-33, isuselwe kwi-M240i xDrive. Inenjini engu-3.0-litre inline six-cylinder enamandla angu-285kW ne-torque engu-500Nm. Idonsa ngawo wonke amasondo.

Ishaya ngama-spoiler amabili ngemuva, amarimu ahlukile, M Sport Pro package, amaM Sport seats, i-splitter ngemuva, i-armrest enekhava ye-Überkaro tartan, izibambo zezicabha ezimnyama yase iqoshwa nenombolo yayo kwezingu-33. Inemibala emine ngaphandle okungomhlophe, omnyama, o-grey nobomvu.

I-333i Homage nayo okwenziwe angu-33, yona isuselwe kwiM2. Inenjini engu-3.0 litre inline six-cylinder enamandla angu-353kW ne-torque engu-600Nm futhi idonsa ngamasondo angemuva.

Inamarimu ahlukile e-Alpina, inezinqawe ezine, i-spoiler ne-splitter ngaphambili, Carbon bucket seats yabe isiqoshwa nenombolo yayo. Ukhetha embaleni omhlophe, omnyama, o-grey, oluhlaza okwesibhakabhaka nobomvu.

Lezi zimoto zizodayisa esidlangaleni kwi-website yakwaBMW kusuka ngo-Okthoba 21.

Intengo izoqala kanje:

BMW 325iS Homage Edition – R1,435,000.00

BMW 333i Homage Edition – R 1,960,000.00