Impilo Yabantu Ezezimoto

I-JMC ibuya ngamaveni amabili kuleli

Fanelesibonge Bengu|Published

I-JMC Vigus double cab okulindeleke ukuthi yethulwe kulelli maduze

Image: SITHUNYELWE

ENYE inkampani yezimoto yaseChina iJiangling Motors Corporation (JMC) ilandele ezinye zakwabo ngokubuya emakethe yaseNingizimu Afrika.

Kulokhu izobuya isisatshalaliswa yiSalvador Caetano Auto South Africa engaphansi kweSalvador Caetanno Group.

I-Salvador Caetano Auto Afrika iqale ukubonakala ngonyaka odlule ngesikhathi yethula izimoto zenye inkampani yaseChina enemvume yokuziletha kuleli, iGac Motor.

Isikhulu seSalvador Caetano South Africa, uLeslie Ramsoomar, sithe bayaziqhenya ngokumela inkampani ezimisele njengabo ngokuthembeka, ukuqhmamuka nezinto ezintsha nokubeka eqhulwinni amakhasimende ngokuletha amaveni okungcebeleka nokusebenza ezweni jikelele.

I-JMC Grand Avenue yiveni elidle ngobukhulu ngaphakathi ukuthutha imindeni nempahla

Image: Sithunyelwe

I-JMC, eyakha izimoto zakwaFord eChina, izozibula kuleli ngeveni iVigus ezolandelwa ngentsha sha ngonyaka ozayo.

I-Vigus itholakala nge-double cab nange-single cab.

Kuzolandela elinye iveni iGrand Avenue elidle ngobukhulu. Phesheya itholakala ngenjini engu-2.3 litre turbodiesel enamandla angu-130kW kanjalo nekadizzili enamandla angu-180kW. U-gearbox uyi-8 speed automatic kuzo zombili izinhlobo zezinjini.

Kuza neloli iJMC Carrying Plus.