IVolvo Cars isiqhamuke nebhande elikwazi ukufunda umuntu
UMA ungumuntu omkhulu ibhande elisha lakwaVolvo likubamba likuqinise uma kunengozi
Image: Sithunyelwe
IVOLVO Cars izakhele udumo ngokwakha izimoto eziphephile emhlabeni jikelele.
Ibhande lesihlalo cishe kuzo zonke izimoto labuyekezwa yiyo iVolvo ngo-1959, njengoba kuhlale kushunyayelwa ukusetshenziswa kwalo ukuqinisekisa ezokuphepha.
Le nkampani isiphinde yalithuthukisa ibhande ngokulifaka ubuchwepheshe obengeza ezokuphepha.
Ibhande elisha lakwaVolvo elinama-sensor okufunda olifasile
Image: Sithunyelwe
Leli bhande lizoqala ukubonakala kwiVolvo EX60 entsha ezokwethulwa ngo-2026.
Kuthiwa lakhelwe ukuvikela kangcono ngokubona isimo somgwaqo nomuntu olufakile. Lisebenzisa ama-sensor emoto abe esethumela umyalezo ngaphakathi.
Le multi-adaptive safety belt kuthiwa lisebenzisa imininingwane eyithola kuma-sensor ngaphandle nangaphakathi kwemoto ukuze libone ukuthi limvikela kanjani umuntu ngokubheka izinto okubalwa kuzo ubude bakhe, isisindo, indlela umzimba owakheke ngayo nendlela ahleli ngayo.
Kumuntu omkhulu engozini enkulu ibhande liqina mawala ukuze lizonciphisa amazinga okuthi aphephe angalimali ekhanda.
Komncane liqina kahle ukuze lingagcini selimlimaza izimbambo.