Yethulwe nehamba ngogesi iG-Glass entsha yakwaMercedes
IMercedes-AMG G 63 entsha
Image: Sithunyelwe
IMOTO: MERCEDES-BENZ G-GLASS
Kwethulwe intandokazi yemoto iG-Glass yakwaMercedes-Benz entsha ehlukene ngezinhlobo okubalwa kuzo ekagesi.
IMercedes-AMG G 63 ifakwe injini engu-4.0 litre V8 biturbo enamandla angu-430kW ne-torque engu-850Nm. Okusha wukuthi isinebhethri elingu-48V ne-integrated starter-generator okwenza ukuthi ikunike amandla athe xaxa ngo-15kW no-200Nm isikhashana.
Amandla emoto ayenza ikwazi ukusuka ku-0 iye ku-100km ngemizuzwa engu-4.4 kanti ijubane elikhulu ligcina ku-240 km/h.
IMercedes-Benz G 580 ehamba ngogesi
Image: Sithunyelwe
Okusha kuyo kubalwa ingaphandle elishintshile ngaohambilini, i-suspension entsha nokunye.
Kulethwe nentsha iG 580 with EQ Technology yokuqala ngqa. Inezinjini zikagesi ezine eziseduze kwamasondo. Zinamandla ahlanganisiwe angu-432 kW ne-torque engu-1 164Nm. Bathi ikwazi ukusuka ku-0 iye ku-100km/h ngemizuzwana engu-4.7 kanti ijubane ligcina ku-180 km/h.
Bathi ibhethri layo elingu-116 kWh kulithatha imizuzu engu-32 ukusuka ku-10 liye ku-80% uma ulishaja endaweni esheshayo iDC charger engu-200kW.
Ingaphakathi leMercedes-AMG G 63
Image: Sithunyelwe
Kuningi enakho njengesikhumba ngaphakathi, MBUX infotainment system, nokukwazi ivele iphenduke ngokushesha ime endaweni eyodwa okubizwa nge G-TURN, nokunye.
Intengo:
G 63 AMG: R 4 415 916
G580 with EQ Technology: R 3 823 457
G580 with EQ Technology EDITION ONE: R 4 647 456
Zifika nePremiumDrive Comfort Care Service neMaintenance Plan kweminyaka emihlanu noma u-100 000km.