Kwande ezaseChina emncintiswaneni wemoto yonyaka

Ukwanda kwezimoto zaseChina ezingenisa emakethe yakuleli kugqame ohlwini lwezingu-37 ezisesigabeni esandulela owamanqamu emncintiswaneni i-2025 Car of the Year exhaswe yi-Old Mutual Insure.

Izimoto ezimenyezeliwe ukuthi sezikowandulela owamanqamu zingu-37. Amalungu eSouth African Guild of Mobiity Journalists (Sagmj), okuyiyo ehlela umncintiswano, azobe esekhetha ezingu-20 ezizoncintisana kowamanqamu. Isimemezelo sizokwenziwa ngoJanuwari.

Yilapho amajaji angu-27 ezobe esezivivinya akhethe ezinqobile eminxeni eyahlukene nezoqokwa njengemoto yonyaka ngoMeyi.

I-Sagmj ithe kwethulwe izimoto ezincane ezingu-70 ezinezinhlobo ezingu-243 kuleli nonyaka. Ithe ezithuthukisiwe nezekhethelo azifakwa emncintiswaneni.

KwezaseChina ezingenile kukhona iBYD Seal, GAC GS3 Emzoom, GAC Emkoo, Jaecoo J7, GWM P500 HEV, GWM Tank 500, GWM Tank 300, Omoda C9, Jetour Dashing, Jetour X70 PLUS, neChery Tiggo Cross.

“Ukwanda kwesibalo sezimoto zaseChina kugqamile kulezi zigaba zokuqala ze-2025 Coty,” kusho uSihlalo womncintiswano uThami Masemola.

“Umphakathi unelungelo lokufuna ukwazi ukuthi ngabe izwe lizobona imoto yokuqala eyakhiwe eChina idla isicoco seCoty,” kuqhuba yena.

Isicoco se-2024 Car of the Year siphethwe yiBMW 7 Series. Kulokhu ingene ngezimoto ezine okuyi-1 Series, 5 Series, M5 ne-X3.

Uhla oluphelele lwezimoto lumi kanje:

BMW 1 Series

BMW 5 Series Sedan

BMW M5

BMW X3

Chery Tiggo Cross

Citroen C3 Aircross

Ford Mustang GT

Ford Territory

GAC EMKOO

GAC GS3 EMZOOM

GWM P500 HEV

GWM Tank 300

GWM Tank 500

Honda CR-V

Honda Elevate

Hyundai Exter

Jaecoo J7

Mahindra XUV 3XO

Mercedes-AMG C 63 S E Performance

Mercedes-Benz CLE Coupe

Mercedes-Benz E-Class (E 220d)

MINI Countryman

Mitsubishi Triton

Omoda C9

Suzuki Swift

Toyota Land Cruiser Prado

Toyota Starlet Cross

Volkswagen Tiguan

Volvo EX30