I-VW inwebe igebe phakathi kwayo neSuzuki

Ilinwebile igebe phakathi kwayo neSuzuki Auto South Africa iVolkswagen Group Africa (VW) ngesibalo sezimoto ezidayisile ngoMashi.

Ezinyangeni ezimbili ezedlule iSuzuki ibilokhu ilinciphisa igebe phakathi kwayo neVW (ehlanganisa iVW ne-Audi).

Sekuyiminyaka iVW isendaweni yesibili ngokuba yinkampani edayisa kakhulu zinyanga zonke eNingizimu Afrika ngemuva kweToyota South Africa Motors.

NgoJanuwari zahlukaniswa yizimoto ezingu-287. NgoFebhuwari lezi zinkampani zihlukaniswe yizimoto ezingu-112.

Ngokwezibalo ze-naamsa, ngoMashi iVW idayise izimoto ezingu-5 219. ISuzuki ngakolunye uhlangothi idayise ezingu-4 225 nokwenza igebe laba ngu-994.

Ngakolunye uhlangothi igebe phakathi kweSuzuki neNissan linciphe ngezimoto ezingu-340 njengoba iNissan, esendaweni yesine yona idayise ezingu-3 995.

NgoFebhuwari isikhala phakathi kwazo sasingu-2 482.

Kuzona zonke izinkampani iToyota iqhubekile nokuziqengqelezela yodwa njengoba ngoMashi idayise izimoto ezingu-11 524.

Nalu uhlu lwezinkampani ezidayise kakhulu ngoMashi:

Toyota - 11 109

Volkswagen Group - 5 219

Suzuki Auto - 4 335

Nissan - 3 995

Isuzu Motors South Africa - 2 587

Hyundai Automotive South Africa - 2 436

Ford Motor Company - 2 409

GMW SA - 1 564

Chery Auto South Africa - 1 531

Renault - 1 301

Mahindra - 1 163

BMW Group - 1 068

Kia South Africa - 1 007

Mercedes-Benz SA - 567

FAW Trucks - 440