Ugabigabi wobumnandi kuza izihlabani zaphesheya eThekwini
U-ANTHONY Hamilton
Image: SITHUNYELWE
UB40. Picture: Supplied UB40
Image: SITHUNYELWE
USJAVA
Image: SITHUNYELWE
Cape Town-100713-Canadian rock star Bryan Adams performs at the Grand West Arena during his tour of South Africa. He will also be performing in Durban and Johannesburg. Picture Jeffrey Abrahams UBRYAN Adams ongomunye wabaculi okulindeleke azojabulisa abazifela ngomculo eThekwini
Image: JEFFREY ABRAHAMS
KULINDELEKE ukuthi siqale maduze isiphithiphithi edolobheni iTheku kwabakhonze ubumnandi njengoba seziqalile izinhlelo zokujabulisa abantu ngobumnandi obehlukene, okulindeleke ukuthi kuqale ngenyanga ezayo - nokuzobandakanya idili lomculo elibandakanya nezihlabani zabaculi baphesheya kwezilwandle abangaconsi phansi.
Lokho kudalulwe yiMeya kaMasipala weTheku, uMnuz Cyril Xaba, ethula inkulumo yosuku emcimbini wakhe wokwethula umbiko wezibalo zokuvakasha zamaholidi kaKhisimusi noNcibijane, obuse-Octavia Boutique Hotel, eNanda, enyakatho yeTheku ngoLwesine.
IMeya idalule ukuthi iTheku seliqalile livivela umcimbi wedili lomculo wesihlabani somculo saseMelika u-Anton Hamilton, ozoba se-ICC, eThekwini ngoFebhuwari 28.
Kulo mcimbi kulindeleke ukuthi u-Anthony, wodumo lwezingoma ezithi Charlene, i-Cool ne-Best of Me, abhulelwe amazolo womculi wakuleli zwe ongaconsi phansi kubalandeli uSjava.
Emva kwalowo mcimbi, kuzoba khona omunye wesihlabani somculi waseCanada uBryan Adams, ozoba ngoMashi 28 no-29 khona futhi e-ICC, eThekwini.
Ngaphambi kwalokho, kuzokhumbuleka futhi ukuthi ngonyaka odlule kwamenyezelwa ukuthi umcimbi wezindondo zomculo ama-Metro FM Awards,uza lana eThekwini e-ICC ngo-Ephreli 25.
Kuzothi ngoJuni 4 kube nomunye umcimbi wedili lomculo weqembu le-band yase-England i-UB40 ezobe ihambisana no-Ali Campbell.
“Yonke le micimbi izosiza ngokugqamisa idolobha lethu ngokwenza izinto ezinhle, ikhulise umnotho wezokuvakasha bese futhi isiza ukufukula osomabhizinisi bakithi. Ngale kwalokho, sizolokhu siqhubeka sibamba iqhaza emicimbini nasezinhlelweni ezehlukene okuzosiza ukuthuthukisa iTheku, kulethe imali yabatshalimali bese futhi kuqinisa ubudlelwano bethu nezinhlaka ezahlukene zamazwe omhlaba,” kusho uXaba.
Ngale kwalokho, iTheku lizoqhubeka futhi libe nemicimbi elaziwa ngayo yaminyaka yonke okubalwa kuyona iDurban Tourism Business Awards - okuzovulwa imingenelo yawo ngenyanga ezayo, kube yiDusi Canoe Marathon, Durban International Marathon ngoMeyi, Comrades Marathon ngoJuni, iHollywoodbets Durban ngoJulayi neDurban International Film Festival ngoJulayi.
Anthony Hamilton
Image: SITHUNYELWE
U-ANTHONY Hamilton
Image: SITHUNYELWE
U-ANTHONY Hamilton
Image: SITHUNYELWE