Azobuthwa phansi amathikithi eFlySafair
|Published
Ulindwe ngabaningi umtitilizo wamathikithi kaR10 weFlySafair isithombe: sigciniwe
UBHEKWE ngabomvu umtitilizo wamathikithi ezindiza ozoba ngoLwesithathu mhla ka8 kwephezulu.
Inkampani yezindiza iFlySafair igubha iminyaka eyishumi ngendali yekhethelo njengoba iveze ukuthi azobe ebuthwa phansi amathikithi ngoLwesithathu.
Le nkampani idalule ukuthi njengoba begubha iminyaka engu-10 amathithi angu-50 000 azobe edayisa uR10 nje kuphela.
Kubamba ezingelayo, kusukela ngo9 ekuseni kuzobe sekuvuleleke kuwo wonke umuntu ukuba abhukhe uhambo lwakhe ezibeke ethubeni elihle lokuthola amanani aphansi ngendlela emangalisayo.
