Funda ukwenza iCheese Cake econsisa amathe
ZININGI izindlela zokuhlobisa nokwenza i-cheesecake, ungenza amaningi amancane noma elilodwa elikhulu Isithombe: SIGCINIWE
FUNDA indlela elula nesheshayo yokwenza ikhekhe elehla esiphundu nelizothokozisa umndeni wakho wonke.
IZITHAKO
1 x 200g iphakethe lamaTennis Biscuits
⅓ inkomishi yebhotela
100g ama-blueberries namanye okuhlobisa
½ ulamula osikiwe
2 T ushukela
AmaStrawberries, okuhlobisa
OKWAPHAKATHI:
2 x 250 g i-plain full-cream cream cheese
190 g we-full-cream sweetened condensed milk
1 amakhasi kalamula agrethiwe
INDLELA YOKWENZA:
– Gcobisa ipani eliyindilida elingu-24 cm ngamafutha amancane.
– Gxoba amabhisikidi akho abe yimvithi bethe uwafaka endishini uwahlanganise nebhotela.
– Faka lawo mabhisikidi epanini eligcotshwe ngamafutha bese ukufaka efrijini imizuzu engu20
– Eceleni, goqoza i-cream cheese ize ithambe bese ufaka i-condensed milk. Hlanganisa kahle bese ufaka amakhasi kalamula agrethiwe.
– Kufake epanini lakho elinamakhekhe ubuyisele efrijini ihora elilodwa.
– Epanini, hlanganisa ama-blueberries, ujusi kalamula noshukela, upheke imizuzu emihlanu noma kuze kuthambe.
Uma usulungele ukuphaka, khipha ikhekhe lakho efrijini, ulikhiphe epanini lalo ulihlobise kahle ngezithelo ozibekele ukuhlobisa ngalo bese uthela isosi oyenze eceleni.
Ungasebenzisa izinhlobonhlobo zezithelo ezimnandi ngisho noshokoledi imbala ukuhlobisa ikhekhe lakho ngaphambi kokuphaka.
