Luzogujwa ngekhonsathi ebophele izilomo uSuku lwamaGugu
ULWAH Ndlunkulu uzonandisa eBotanic Gardens ngoSepthemba 24
Image: Sithunyelwe
BAZOLUGUBHA ngekhonsathi ebophele izilomo uSuku lwamaGugu abantu baseThekwini njengoba kuhlelwe iMusic at the Lake eBotanic Gardens.
IMusic at the Lake, isineminyaka yasungulwa futhi ijwayele ukubophela abaculi abathandwayo. Ezinyangeni ezedlule kube namakhonsathi obekunandisa kuwo, iMicasa noShekhinah.
Kwenye kwakukhona amaqembu iJust Jinjer neWatershed.
SJAVA
Image: Sithunyelwe
Kwezoba ngoSepthemba 24, kuboshelwe uSjava noBig Zulu okuthi uma behlangene bazibize ngeZinkabi Zezwe.
Bazobe behambisana noLwah Ndlunkulu.
Bobathathu laba baculi beza kule khonsathi nezingoma abazikhiphe kulo nyaka. USjava ukhiphe i-albhamu eqoshwe bukhoma, Inkanyezi.
BIG Zulu
Image: Sithunyelwe
Uqokwe ngayo kumaSouth African Music Awards (Sama), emunxeni weBest Afro Pop Album. Uphinde wafakwa kulo munxa ngeNkanyezi.
ULwah ngakolunye uhlangothi, ukhiphe iMnakwethu ngaphambi kokulandelisa ngethi Nembeza, apike kuyo uMawhoo.
Uqokwe kuma-All Africa Music Awards (Afrima), emunxeni weMost Promising Artiste of the Year ngeMnakwethu.
Nomphathi wakhe uLwah, uBig Zulu, uqokiwe kuma-Afrima ngengoma ethi Mfazi Wephepha, apikwe kuyo nguWanitwamos. Ungene nangeyakhe ethi Ng'sale Nobani, emunxeni weBest Artiste Duo or Group in African Traditional.
Amathikithi alo mcimbi ozoqala ngo-1 emini, aseqalile ukudayisa eWebtickets. Aqala kuR20 ezinganeni ezingaphansi kweminyaka emine aze agcine ku-R340 kwabadala njengoba aka-R250 asedayise aphela.