Uthembisa amanoni uThandiswa kwiCape Town International Jazz Festival
UTHANDISWA Mazwai ozonandisa kwiCape Town International Jazz Festival kule mpelasonto
Image: Sigciniwe
INTANDOKAZI yomculi, uThandiswa Mazwai, ithi izogadla ngamanoni amadala namasha kwiCape Town International Jazz Festival eqala namhlanje ize isongwe kusasa.
Le ndumezulu yomcimbi izoba seCape Town International Convention Centre (CTICC).
UThandiswa uthe uzokhetha ezimbalwa kwi-albhamu yakhe yakamuva azididiyele ngokuhlanganyela namaciko ahlonishwayo okubalwa kuwo, uMeshell Ndegeocello noNduduzo Makhathini, ukwenza isiqiniseko sokuthi uma esenandisa uhlanganisa ezintsha nezingasoze zabuna.
Ucashunwe kwi-IOL, ethi ujabule ngohla lwabaculi abazonandisa kulo nyaka.
“Indodakazi yami eneminyaka engu-25 ijabule ngohlu lwabantu abazobe benandisa.” kusho uThandiswa.
Bangaphezu kuka-30 abazobe beshiyelana inkundla kule jazz.
Phakathi kwabo kubalwa uBlack Coffee noNduduzo Makhathini, Ivan Mazuze, umzwilili uLira, Kyle Shepherd Trio, Benjamin Jeptha ehamba nebhendi iKujenga, Ari Lennox, Linda Sikhakhani, Nomfundo Xaluva, Victor Masondo Quartet epike uThembi noBheki Khoza, Plurism, Bombay Lights, The Ploemies, Bongeziwe Mabandla nabanye.
Amathikithi adayisa eTicketmaster ngemali ephakathi kuka-R950 no-R1 500.