Kukhishwe olunye uhla lwabaculi kwiCape Town International Jazz Festival
jazz Incognito.
Image: Sithunyelwe
SEKUKHISHWE olunye uhla lwabaculi abazonandisa kwi-Cape Town International Jazz Festival (CTIJF) ezoba seKapa ngenyanga ezayo.
Abaculi abamenyezeliwe yi-Incognito noMasego kanjalo nowaseKapa osandlondlobala, uMuneeb Hermans.
I-Incognito yiqembu lase-United Kingdom elasungulwa ngo-1979. Lizakhele udumo ngamanoni okubalwa kuwo iStill a Friend of Mine nekaStevie Wonder elayenza kabusha iDon't You Worry 'Bout a Thing'.
UMasego yena uzakhele udumo ngokuhlanganisa i-jazz, R&B ne-hip hop. Lo mculi owazalwa eJamaica ugqame ngengoma ethi Tadow eyadlalwa ngaphezu kwamahlandla angu-200 million kwi-YouTube.
UMuneeb useke wadlala ezindaweni eziningi emhlabeni jikelele okubalwa kuzo ne-EFG Jazz Festival eLondon.
ULindsay Rhoda oyi-talent manager kwi-CTIJF uthe uhla lwabaculi bakulo nyaka luyamangalisa.
"Sihlanganisa izingwazi, abasunguli nabasafufusa ngokwahlukene abeza ne-jazz nakho konke okususelwe kuyo. I-Incognito, Masego noMuneeb Hermans bonke beza nezinto ezihlukile kwi-festivali futhi sesijahile ukuthi izthemali zizwe bukhoma umlingo wabo.
"Laba baculi bajoyina abamenyezelwe phambilini okukhona kubo uNduduzo Makhathini, Black Coffee, Lira nabanye.Imininingwane ngale ndumezulu itholakala ku-capetownjazzfestival.com futhi amathikithi atholakala ku-Ticketmaster.co.za.