YEKA ukumethemba kwami uNtandokazi Mzamo. Ngisho intokazi ebizwa ngele “National girlfriend”.
Kuhluleke ngisho abanye bethi uNtandokazi akasiyo le nto engicabanga ukuthi uyiyo kodwa angizange ngibanake ngenxa yokuthi bese ngididwe wuthando.
Ngize ngakhohlwa ukuthi ikhiwane elihle ligcwala izibungu. Yingakho ngishaqeke kwaphela nasozwaneni sengizithela ezithombeni zakhe eneke yonke into obala. Livele lonakala usuku lwami.
Sengiphumile kuye, sengibuyele kwi-crush yami yakudala, uLerato Nxumalo obelingisa kwiDurban Gen nakwiLingashoni. Ubevele engadume ngalutho uNtandokazi ongumbayimbayi.
