UZALO
Ngo-8.30 ebusuku kwiSABC 1
ABASEBENZA noNomaswazi balindele ukuqala omunye umsebenzi. UNjeza uyafunga ukuthi ngeke esabuyela kuNkunzi. Imizamo kaNjinji yokuqala uxolo ayihambi ngendlela ahlele ngayo. UNonka usenesiqiniseko sokuthi uzolivuma icala. UMbatha ufuna ukukhangisa umkhiqizo wakhe ohlelweni lukaGabisile. UNkunzi uzimisele ukuthatha la kwashiya khona uThwala. UNonka usho into eshiya umndeni wakhe umangele. UPope Mbatha uzimisele ukwethula imikhiqizo yakhe eyingcwele. Ubudlelwane bukaVika noGebetsheni bufinyelela emaphethelweni.
MUVHANGO
Ngo-9 ebusuku kwiSABC 2
UVHO-Makhadzi ulahlekile. U-Azwindini usolwa ngokuzibeka yena. U-Imani ukuthola kunzima ukugcina imfihlo kaMpho (Azwimmbavhi Rambuda). U-Azwindini uyakwazi ukwehlisa umoya wamalungu omphakathi. Amaphoyisa alahla ubufakazi obungasiza ecaleni likaSusan. UVho-Makhadzi usabela ukuthi ipulani lakhe lingase lingasebenzi. UVho-Makhadzi uthola imali enkulu ngomsebenzi wakhe wokubuyisela emphakathini. UTendamudzimu ubonisa uMpho ukuthi ayekelele uGugu ahambe. UVhangani uzama ukuvimba uVho-Makhadzi ekutheni ayeke ukugembula.
GENERATIONS: THE LEGACY
Ngo-8 ebusuku kwiSABC 1
USPHE unayo indlela yokuphuma kodwa akuvumi ukuthi aze azibonise njengomuntu ongenazwelo. UZikhona unaso isixazululo sezinkinga zomndeni kaNontle. UNkosiyabo akakutholi ukwamukeleka akade ekulindele emsebenzini. ULucy akanankinga ngokwenza okubi ukuze asize umngani wakhe. UMpho uyalithatha ithuba lokutholela umngani wakhe ubulungiswa. UMazwi ucela umshado. UMrekza usekulungele ukuntshontshela unkosikazi wakhe, uma lokho kungamenza aphumelele. U-Ayanda akazimisele ukulahlekelwa omunye umuntu amthandayo. UZikhona futhi ubhekana nezinkinga zikaNontle nentukuthelo yakhe. USphe uzwa izindaba angazilindele futhi akazi ukuthi azizwe kanjani ngazo.
SCANDAL!
Ngo-7.30 ebusuku kwi-e.tv
OWESILISA osemncane ungena esilingweni futhi kuba nomphumela omuhle. Umona ezelamanini uyanda uma omunye ekhombisa ukuphumelela kunomunye. UCee-Jay uthola ucingo olumenza abe nesasasa kumuntu angamlindele. Owesilisa ukuthola kunzima ukwamukela ubudlelwane obusha bowesifazane ayethandana naye. UMbali (Nolwazi Ngubeni) usabisa uWinnie nocela ukuthi kube khona enye indlela okusetshenzwa ngayo. UCaiphus unqaba yonke into eshiwoyo kodwa ngabe uGloria uzozithoba? UJavas uzimisele ukunyukela phezulu kodwa uyaphoxeka. UPertunia uzama ukuqwashisa indodakazi yakhe ngengozi ezayo. UJavas ukuthola kunzima ukubhekana nesimo akusona futhi uthatha isinqumo esiyingozi.
HOUSE OF ZWIDE
Ngo-7 ebusuku kwi-e.tv
ABAKWAZWIDE bamukela umbiko ophuma kodokotela bengqondo. UMavuso kukhona isicelo esingaqondakali asibhekise kuFunani. USoka unombono wokulungisa isimo sikaSandile sokungasebenzi. Ebhekene nengcindezi uFunani, unikwa ithuba lokugcina ukuthi ashintshe isikhundla sakhe. Isivumelwane sakaDTI sisengcupheni. Ekugcineni uFunani uthatha isinqumo sokuvakashela uFaith. UFunani uthola ukuthi uRea ubegcine imfihlo kuye. USandile uyaphoqeleka ukuthi akhulume iqiniso ngomsebenzi wakhe noZanele.
THE QUEEN
Ngo-9 ebusuku kuMzansi Magic
UMPUMELELO uthatha igxathu elingalindelwe muntu. UHarriet uziqhelelanisa noLondiwe kodwa lokho akumenzi ayeke ukuthola lokhu akufunayo. UNkosiyabo uyaqhubeka nokuzizwa elahlekile futhi unomuzwa ongagcina umholele engozini. UPatronella uzama ukubonisa uMpumelelo ukuthi asondelane nowesifazane angamfuni. Ipulani likaLondiwe liyahlangana. Imizamo kaLondiwe yokuthi abukeke kahle imlethela imiphumela engemihle. UNkosiyabo ubona ukuthi uthando analo kungenzeka lukuye kuphela. UMpumelelo uthembisa uPatronella ukuthi uzoyeka izindlela zakhe ezingalungile.
DIEPCITY
Ngo-8.30 ebusuku kuMzansi Magic
ULUNGELO usondelana eduze noNoCorinthians. UMgedeza usale ediniwe uma enqatshelwa ukungena endaweni akade eyifuna. UThandiwe unomuzwa wokuthi ulahlekelwa indodakazi yakhe esihlala inoNoCorinthians. UMgedeza ufuna kubuye indodana yakhe, uDube Jnr, empilweni yakhe ukuze akwazi ukuqala ibhizinisi. U-Osama uvakashela amantombazane. UNoCorinthians ukhombisa uMr X izithombe zikaLungile (Luyanda Shezi). URingo noKhelina bayahlangana futhi konke sekulungile ukuthi kungaba khona umshado. UThandiwe noNox bakuthola kunzima ukukhula ngokushesha kukaLungile njengoba eseqala umsebenzi wakhe omusha. URingo ekugcineni ucela umshado kuKhelina.