Ziqhathiwe emncintiswaneni i-2026 South African Car of the Year

ZIMENYEZELWE izimoto okuzotonyulwa kuzo ezovotelwa njengeyonyaka emncintiswaneni, i-2026 South African Car of the Year (COTY), emuva kokumenyezelwa kwezisesigabeni esandulela esamanqamu.

Umncintiswano, ohlelwa yiSouth African Guild of Mobility Journalists (SAGMJ), uzobe ugubha iminyaka engu-40 njengoba wasungulwa ngo-1986.

Ngesonto eledlule amajaji angu-25, okubalwa kuwo nombhali walolu daba, akhethe izimoto ezingu-30 kwezingu-55 ezethulwe nonyaka ebezilungele ukuba semncintiswaneni.

USihlalo weCoty, uThami Masemola, uthe umncintiswano ushube kakhulu futhi bayajabula, kakhulu ngoba ugubha iminyaka engu-40.

Uthe kwi-2026 COTY kuqhathwe izinkampani ezaziwayo kanjalo nezasemazweni asempumalanga, ikakhulu awaseChina angena okokuqala emakethe yakuleli namanye abuyayo.

NgoJanuwari amajaji azophinde afake amavoti anciphise uhla ngohhafu.

Emuva kwalokho ngoMashi azohlanganyela ndawonye azivivinye okokugcina izinsuku ezimbili ngaphambi kokuthi kumenyezelwe enqobile ngoMeyi.

Ezinye zizothola imiklomelo eminxeni ehlukene.

Uhla lwezimoto ezingu-30 ezikowandulela owamanqamu:

1. Alfa Romeo Junior
2. Audi A5
3. Audi RS Q8
4. BMW 2 Series Gran Coupe
5. BYD Dolphin Surf
6. BYD Shark
7. Chery Tiggo 7 PHEV
8. Chery Tiggo 9
9. GWM Haval H7
10. Honda Amaze
11. Hyundai Alcazar
12. Hyundai Santa Fe
13. Jaecoo J5
14. Jetour T2
15. Land Rover Defender OCTA
16. Leapmotor C10 REEV
17. Lexus GX
18. Mercedes-AMG CLE 53
19. Mercedes-AMG E53 Hybrid
20. Mercedes-AMG GT 63 S E
21. MG Cyberster
22. MG ZS Pro
23. MINI Aceman
24. Omoda C7
25. Opel Grandland
26. Renault Duster
27. Suzuki Dzire
28. Volkswagen Golf 1.4TSI
29. Volkswagen Tayron
30. Volvo EX90