KUQOPHEKE umlando kwezokusazaka kuleli kuvela izindaba ezithi umethuli wezinhlelo, u-Anele Mdoda, obuye abe ngumsakazi kwi-947 uthole inkontileka yeminyaka emihlanu.
Kule mboni izinkontileka zabasakazi zivame ukuvuselelwa njalo ngonyaka, akukaze kwenzeke ukuthi umsakazi abe nesivumelwano esidlula lokho.
Izindaba zale ngqophamlando zivezwe wunontandakubukwa uPhil Mphela.
UMphela uveze ukuthi iPrimedia Broadcasting, okuyinkampani elawula i-947 inikeze le ntokazi inkontileka yeminyaka emihlanu.
RADIO: Anele signs historic deal
— Kgopolo (@PhilMphela) May 9, 2022
947 has announced that Anele Mdoda has signed a five-year contract with Primedia Broadcasting.
Huge achievement given how the industry is littered with short-term contracts.
Anele returns from her break on July 1st. #KgopoloReports pic.twitter.com/y9RZfkmPnP
Kwenzeka lokhu-nje u-Anele useholidini phesheya kwezilwandle nendodana yakhe njengoba ethathe ikhefu lezinyanga ezimbili ekusakazeni.
Le ntokazi izobuyela emsebenzini ngenyanga kaJulayi lapho izoqhubeka nokushayela uhlelo lwasekuseni, i-Anele and The Club. Useneminyaka engu-14 esebenzela inkampani akuyo.
UPhumzile Langeni ongusihlalo wePrimedia Broadcasting, utshele iChannel24 ukuthi bazibona benenhlanhla yokuholwa wumphathi wabo omusha, uJonathan Procter, onombono ocacile ngekusasa eliqhakazile.