Ukhuza ibuya kuKhozi FM uZanele Mbokazi
UZanele Mbokazi uzosakaza uhlelo Indumiso kuKhozi FM Isithombe: Bongiwe Mchunu
Ukhuza ibuya kuKhozi FM uZanele Mbokazi osezosakaza uhlelo Indumiso kusuka ekuqaleni kwenyanga ezayo.
Ukubuya kukaZanele yilona shintsho olukhulu olumenyezelwe wumphathi wesiteshi uSbongi Ngcobo ngoLwesithathu ekuseni.
“Ukhozi FM luthanda ukwamukela uZanele Mbokazi ozosenzela uhlelo Indumiso,” kusho uSbongi.
UZanele, oke wasakaza kulesi siteshi eminyakeni edlule, uzothatha izintambo kulolu hlelo olungena ngo-9 kuya ku-12 emini. Njengamanje lushayelwa nguThembeka Zondo-Cele owaluthatha ngemuva kokokuxoshwa kukaSbu Buthelezi.
Izinhlelo zaphakathi nesonto zizoqhubeka njengokujwayelekile njengoba ekuseni phakathi nesonto kuzongena uDJ Sgqemeza noMroza Buthelezi. Balandelwa nguDudu Khoza ngo-9 kuya ku-12 emini, uKing Sfiso noZimdollar ngo-12 kuya ku-3 bese kuba wuTshatha noSelby.
NgoMgqibelo uBheka Mchunu uzojoyinwa nguBingelela Mpanza kwiSigiya Ngengoma.
USiya Mhlongo ubuyiselwe emoyeni ukuzothatha uhlelo Ubusuku Obuhle obelwenziwa nguNongcebo McKenzie.
UNongcebo ubuyela ekushayeleni uhlelo lwangeSonto Ezingasoze Zabuna.
UNkosinathi Mshengu, obethula lolu hlelo, uzoqhubeka nohlelo lwasebusuku Ikhaya LoKhozi.