Kuqokwe izilomo zakuleli ezinye zakhala ngaphansi kumaGrammy
UMCULI wakuleli uTyla usethubeni lokunqoba indondo yakhe yeGrammy njengoba ephinde waqokwa
Image: Instagram
KUKHETHWE ababili ezinye izilomo zabaculi bakuleli zakhala ngaphansi kukhishwa uhla lwabaqokwe kumaGrammy Awards azoba seLondon ekuqaleni konyaka ozayo.
Ngenyanga edlule abaculi baKwaZulu-Natal uSjava noCici bafaka ezinkundleni zokuxhumana ukuthi bangase baqokwe emuva kokuhambisa umsebenzi wabo.
USjava ubefake emunxeni weBest Global Music Album nge-albhamu yakhe Inkanyezi Live. UFaka nje, inkampan yakhe i-1020 Cartel yayimemezele ukuthi usezoba nezwi ngabaqokwa kuwona amaGrammy.
USOMAHLAYA uTrevor Noah, osekuphendule okwakhe ukuphatha uhlelo kumaGrammy, uqokwe kule miklomelo
Image: X
UCici ngakolunye uhlangothi, ubefake eminxeni emithathu nge-albhamu iBusisiwe 2.0.
Ubephose emunxeni weBest R&B Album, Best Gospel Performanec/Song ngengoma ethi Ameni kanjalo nakwi-Album of the Year.
Nokho kuthe sekukhishwa uhla lwabaqokiwe kwavela amagama ababili baseNingizimu Afrika. Umculi owaba ngowokuqala ukuwina emunxeni weBest African Music Performance ngengoma ethi Water, uTyla, uphinde waqokwa kuwona.
Kulokhu uqokwe ngePust 2 Start. Uqhathwe noBurna Boy (Love), Davido opike u-Omah Lay (With You), Eddy Kenzo noMehran Matin (Hope & Love), no-Ayra Starr opike uWizkid (Gimme Dat).
Usomahlaya uTrevor Noah uqokwe emunxeni weBest Audio Book, Narration and Storytelling Recording ngokufunda incwadi i-Into The Uncut Grass.
UTrevor, osephathe uhlelo lwamaGrammy iminyaka ilandelana, uqhathwe noKathy Garver, Ketanji Brown Jackson, Dalai Lama noFab Morvan.
NgoDisemba 12 kuya kuJanuwari 5, amajaji azobe evota okokugcina.
AmaGrammy okuzobe kungaka-68, azobanjelwa eLos Angeles, ngoFebhuwari 1.