UMinnie ubonge umndeni ngokumeseka kufika abakhongi
Zinoju intokazi engumsakazi weGagasi uMinnie Ntuli esithi fahla ngosuku lwamalobolo
Image: Siphamandla Nzimande
Umsakazi uMinnie Ntuli usephumile emakethe ngokusemthethweni ngemuva kokwamukela abakhongi.
UNtuli usithe fahla nge-vlog emfishane, ekhombisa okwenzeka ngomhla ka-21 Juni 2025 kufika abakhongi ngaye ekhaya kubo.
Le ntokazi ituse umndeni wayo owawubambisene naye ngalolu suku.
Embhalweni wakhe uthe: "21/06/25 #BecomingAMrs. Zafika zihamba ngamasondo. Yeka unyaka omuhle wezibusiso. UNkulunkulu ube muhle kakhulu. Umsebenzi engiwenzayo ungenza ngiphuthelwe yimicimbi eminingi yomndeni, kodwa indlela umndeni wami ome ngayo nami ngalolu suku, kungenze ngafikelwa wumunyu ngibona indlela engithandwa ngayo. Ngiyabonga mdeni wami, ngiyanithanda. UNkulunkulu anibusise kakhulu."