Ubukhazikhazi kwethulwa umdlalo omusha iBlack Gold
UMandla N nabanye abalingisi bomdlalo iBlack Gold emcimbini wokwethulwa kwalo mdlalo ozosakazwa nsukuzonke kuBET
Image: INSTAGRAM/MANDLA N
Umlingisi ophinde abe ngumqondisi waseNingizimu Afrika uMandla N wethulwa uhlelo lwakhe olusha, iBlack Gold, okuyi-drama yansuku zonke ezoboniswa kuBET eBrynston, eGoli ngoLwesithathu ebusuku.
UMandla unikele ku-Instagram eveza izithombe zomcimbi wokwethulwa kwalolu hlelo.”
Lo mcimbi ubuhanjelwe yizihlabani zomdlalo okubalwa kuzo uDawn Thandeka King, Sello Maake Ka Ncube noNomalanga Shozi okuyibona abalingisi abaqavile.
I-Black Gold ixoxa udaba luka-Amandla Zungu (odlalwa uNomalanga Shozi), oxoshwe ekhaya kubo ngemuva kokusolwa ngokubulala uyise.
UMandla N ethakasele ukwethulwa komdlalo wakhe iBlack Gold ozoboniswa kuBET
Image: Instagram
Usingamama wakhe uFlorence (odlalwa uDawn Thandeka King) nguyena owamkhaphela ebambisene noTom Motsepe (odlalwa uSello Maake KaNcube) oyishende likaFlorence.
Ngokwesitatimende esikhishwe kwaBET kwabezindaba, u-Amandla uphoqeleka ukuthi angene ezweni eliyingozi lezimayini njengomvukuzi ongekho emthethweni asebenze ngokuzikhandla ukuze azuze ifa lakubo futhi abhekane nowesifazane owamntshontsha yonke into.
Phakathi kwabalingisi abadumile kukhona nabalingisi abafana noZamani Mbatha, Nomsa Buthelezi, Warren Masemola, Ernst Ndlovu, Ashleigh Herman, Zinhle Sithole, Siphesihle Vazi, noThulani Mtsweni.
USweet Guluva ukuthakasele ukuba yingxenye yomdlalo iBlack Gold ozoqala ukuboniswa kuBET ngelizayo
Image: X
UMandla N ongomunikazi wenkampani iBlack Brains ekhiqiza umdlalo iBlack Gold nozakwabo
Image: Instagram/Mandla N