Kubhimbe uhlelo enkampanini ebinqwaha neholo lomlingisi
Umlingisi uphumelele empini ephakathi kwakhe nenkampani ekhiqiza imidlalo yeTV ebinqaba ukumkhokhela.
Image: Sigciniwe
Umlingisi waseNingizimu Afrika ohlonishwayo, uZolisa Xaluva, uphumelele empini yakhe nenkampani iSeriti Studios ebinqaba ukumkhokhela.
Le nkampani kubikwa ukuthi ibingafuni ukukhokha imali engu-R350 000 ngokwesivumelwano senkontoleka.
Lolu daba luqubuke ngemuva kokuthi uXaluva, owayedlala indawo ehamba phambili emdlalweni owuchungechunge kuMzansi Magic iCode13, esola abadidiyeli bezinhlelo zeSeriti Studios okuyinkampani eyenza izinhlelo iSkeemSaam neGomora behlulekile ukufeza isibopho sabo sokumkhokhela ngomsebenzi awenzile phakathi kukaMashi no-Ephreli wonyaka odlule.
Ngaphansi kwemibandela yenkontileka yakhe, u-Xaluva ubenelungelo lokuhola ngokusekelwe enanini lezinsuku azisebenzile, izinsuku elengeziwe kulo lonke uchungechunge ngaphandle uma zombili izinhlangothi zivumelana ngenye indlela.
Naphezu kwalesi sivumelwano esicacile, le nkampani ayizange iqedele ukukhokha zonke izimfanelo zakhe, nokuyinto eyamphoqa ukuba aqale inqubo zomthetho kokuthola isixazululo kwabe-Arbitration Association of Southern Africa.