Injabulo uTrevor Noah ewina indondo
Usomahlaya uTrevor Noah ugqamise iNingizimu Afrika enqoba indondo kuma-Emmy Awards, eLos Angeles, ngoMsombuluko ebusuku Isithombe: Instagram
Uhulumeni waseNingizimu Afrika uhalalisele usomahlaya wakuleli, uTrevor Noah, ohlomule ngendondo kuma-Emmy Awards abeseLos Angeles ngoMsombuluko ebusuku.
UTrevor unqobe emunxeni we-Outstanding Talk Series ngohlelo ayelwethula iThe Daily Show. Lo somahlaya ushiye kulolu hlelo ngoDisemba 2022 ngemuva kweminyaka eyisikhombisa elushayela.
Ikhasi likahulumeni kwi-X libhale ukuthi: "SinguMzansi sihalalisela omunye wethu @TrevorNoah ngokuwina indondo ye-Emmy kwi-Outstanding Talk Series ngeThe Daily Show with Trevor. Uliqhawe emaqhaweni!"
You continue to inspire and scale great heights with your talent @Trevornoah. Well done on your history-making @TheEmmys win. You and @davidkibuuka showed the best of Mzansi’s creative talent in the @TheDailyShow
— Minister of Sport, Arts & Culture (@zizikodwa) January 16, 2024
pic.twitter.com/oOMfScAHuM
Ekhuluma ngesikhathi emukela indondo uTrevor ubonge bonke abantu base-Afrika abahambe naye ukuya e-United States of America, uDavid Kibuuka noJoseph Opio abangababhali bohlelo.
Ubonge nabadidiyeli nabanye.
UNgqongqoshe wezemiDlalo, ubuCiko namaSiko kuzwelonke, uZizi Kodwa umhalalisele wathi uyaqhubeka nokugqugquzela.
"Wena no @davidkibuuka nikhombise ithalente laseMzansi kwi @TheDailyShow."