Intokozo uDineo noSolo beqeda iminyaka
U-DINEO Langa nomyeni wakhe uSolo Langa abagubha iminyaka engu-12 bethandana Isithombe: Instagram
ZIHALALISELWE ngabangani nabalandeli bazo ngokuqeda iminyaka engu-12 zisebudlelwaneni izithandani uSolo noDineo Langa.
UDineo ongumlingisi noSolo ongumrepha babophe ifindo likasofasilahlane ngo-2019.
UDineo owayedlala indawo kaKea Khoza emdlalweni osuwaphela iThe Queen, ufake ekhasini lakhe lika-Instagram ukuthi bagubha iminyaka engu-12.
“Wunyaka ka-12 futhi sisayibambile! Ngiyakuthanda myeni wami @solontsizwa Halala ngokuhlanganisa iminyaka engu-12,” kubhala uDineo.
Abangani nabalandeli babo babahalalisele ngalokhu.
UKeemilah Mbonde uthe kuhle ukubona uthando lwabo ngoba akukaze kube namahlebezi ngabo, akukho zinxushunxushu kodwa bayadlondlobala futhi bajabule.
Ababahalalisele wumlingisi weMy Brother’s Keeper uZola Nombona, umlingisi wodumo lweMuvhango uSimphiwe Ngema nabanye.