Unqunyelwe ugwayi katiki uNgizwe ngolwemoto kanokusho
UNQUNYELWE ugwayi katiki ukuba abuyisele ingqovungqovu yemoto abexhaswe ngayo yinkampani, iJac Motors Port Shepstone, abetetemuka ngayo owayengumsakazi woKhozi FM, uNgizwe Mchunu kulandela inkulumo yakhe enenhlese yokucwasa ngokobuhlanga.
Lokhu kulandela umhlangano wale nkampani namalungu e-Economic Freedom Fights abelokhu efake njalo ingcindezi nasezinkundleni zokuxhumana ukuba le nkampani iziqhelelanise noMchunu ngemuva kwenkulumo yakhe ecwasayo.
UMchunu waba sematheni isonto lonke ngemuva kwenkulumo yakhe yangoMgqibelo ekuseni lapho aveza khona ukuthi isifundazwe saKwaZulu-Natal ngesamaZulu kuphela, kungani umholi we-EFF efuna ukuzokwethula umkhankaso wakhe kulesi sifundazwe angayi ukuyowethula eLimpopo lapho adabuka khona.
Ngizwe Mchunu is a Domkop. Msunu ka Ngizwe Mchunu. Which people is there clown is even leading? The EFF doesn't need people of Ngizwe Mchunu to fill up Moses Mabhida stadium. pic.twitter.com/JUqBT02ggo
— Man’s NOT Barry Roux (@AdvoBarryRoux) December 24, 2023
Lokhu akwehlanga kahle kubantu bakuleli ezinkundleni zokuxhumana kukhona nosaziwayo abaphumela obala ngokugxeka le nsizwa ezibiza ngomengameli wamabhunca.
We can confirm that JAC Motors has terminated its relationship with Mr Ngizwe Mchunu. He has been given until tomorrow to return the vehicle to the dealership .
— EFF KZN (@EFFKZN) December 28, 2023
We are intolerant of tribalism the same way we are intolerant of racism. pic.twitter.com/POD8KOcs8P
Umsindo waqhubeka Kwaze kwaba wukuthi wehlela ngezansi uMchunu ngencwadi yokuxolisa ebhekiswe kubo bonke abantu bakuleli ikakhulukazi labo engahlalanga kahle kubona.
Uxolisa nje sekonakele ngoba ubuholi be-EFF esifundazweni bese buhlele umhlangano wokuphoqa iJac Motors ukuba imjezise ngenkulumo yakhe ecwasayo.
Nebala kwenzeke njalo njengoba le nkampani ikhiphe isitatimende sokuthi alingashoni elangoLwesihlanu engabuyisanga impahla yabo yesivumelwano sobudlelwane babo. Lokhu kusho ukuthi uMchunu kumele abuyisele emuva ingqovungqovu yemoto ayixhaswe ngayo.