UGcina Mhlophe uhlonishwe ngendondo ngobuciko obukhethekile
UGCINA Mhlophe uhlonishwe ngendondo kumaDStv Content Creators Awards eGoli, ngoMgqibelo
USAZIWAYO ohlonishwayo kwezokuxoxa izinganekwane, uGcina Mhlophe, uthi ukuklonyeliswa kwakhe ngendondo kumaDStv Content Creators Awards eSandton, ngoMgqibelo, kukhombisa ukuthi izinganekwane ziyaphila.
UGcina uhlonishwe ngendondo ebizwa ngePodcast Special Mention eyethulwe yiSpotify ngepodcast yakhe yezinganekwane kwi-East Coast Radio, i-African Story Magic with Gcina Mhlophe.
"Izinganekwane ziyaphila. Ungazitshela ukuthi i-East Coast Radio iseThekwini kuphela kanti abantu bayakwazi ukuzilalela kuSpotify. Zikhuluma ngokuthi umuntu azazi futhi azethembe, abantu abanomona futhi okunye ubona ngathi kwenziwa yizilwane kanti kukhulunywa nabantu ngqo," kusho uGcina.
Uthe abazali abaningi bayabonga ngomsebenzi wakhe ngoba ufundisa izingane zabo ngokusetshenziswa kolimi.
"Bengenza izinganekwane iminyaka eyisikhombisa kuKhozi FM. Kuthe uma kuphela uxhaso lwase-Unilever kwase kuyama. Ngivele ngagxila ekwehleni ngenyuka nomsebenzi. E-East Coast Radio bebehlale bebuza ukuthi ngeke bangithole yini? Nami ngithe vele sengiseThekwini ngase ngiyazenza. Ngizishaya ngesiZulu nangesiNgisi futhi abazali bahlale bebonga ngokuthi izingane ebezingasalukhulumi kahle hle ulimi ziyafunda. Sikwazile futhi nokuhlanganisa abantu ngoba nakwamanye amazwe bayakwazi ukuzilalela."
UGcina, ozobe egubha iminyaka engu-65 ngo-Okthoba 24, the usafuna ukundlondlobala ngomsebenzi njengoba ehlela uqopha ama-video exoxa efunda izincwadi zakhe kukhona ozihumusha nge-sign language.
KumaDStv Content Creators Awards akulo nyaka uhlelo beluphethwe ngusomahlaya uDonovan Goliath.
Umrepha ongasekho u-AKA uhlomule ngendondo yeSong of the Year ngengoma apike kuyo uNasty C ethi Lemons (Lemonade).
Selulonke uhla lwabawinile lumi kanje:
Cause/Social Commentary Award
Doctor Siya
Funniest Content Creator Award
Ikho Kweba
Visual Arts Award
Karabo Poppy
Best Brand Collaboration Award
EssenceMediacom for Gillette #IndodaCanShave
Sports Fan Award
Lemii LoCo
Fashion & Style Award
Kefilwe Mabote
Emerging Creator Award, presented by 947
God’s Butler
Podcast of the Year Award, presented by Spotify
Podcast and Chill with MacG
Podcast Special Mention, presented by Spotify
African Story Magic with Gcina Mhlophe
Automotive Award
Juliet McGuire
Knowledge Sharing Award
Becoming Dr Andy
Thumb-Stopping Award
Donovan Goliath
The OG Award
Mihlali Ndamase
Alter-Ego Award
Sipho2Skiits – August (That Mozambican Dude)
Foodie Award
Mush Kitchen
Travel & Lifestyle Award, presented by LIFT
Wander with Iana
Dance Award
Justin de Nobrega
Sol Content Creator Award
Mandisi
Song of the Year Award
AKA ft. Nasty C - 'Lemons (Lemonade)’
DStv Content of the Year Award
Tums the Narrator