Kumuncu ephika ukufonela inkosikazi yomngani ethi ‘uyayithanda’

IZUNGEZA ezinkundleni zokuxhumana ingxabano eshisa phansi ephakathi kwabangani bakudala okunguDkt Musa Mthombeni no-Andile Ncube.

Bobabili osaziwayo bangabethuli bezinhlelo, baneminyaka bezwana futhi bajwayele ukuncokolisana ngezindlela ezihlukene ezinkundleni zokuxhumana. Kepha, kulokhu kubonakala kushubile phakathi kwabo.

UMthombeni ongudokotela osanda kushadelwa nguzime wakuleli uNksz uLiesl Laurie, ubhale umlayezo kuTwitter ethi unyaka ka-2023, umfundise lukhulu ngabangani bamanga.

2023 has taught me a lot about fake friends.

— DrMusa (@DrMusaMthombeni) January 1, 2023

Washeshe waphendule u-Andile ngokuthi ubecabanga ukuthi ushayela yena ucingo hhayi umkakhe, ngesikhathi ethi nami ngiyakuthanda, waqhubeka wathi uMthombeni akadlule kule nto.

We’ve blocked you for 7 months now https://t.co/tnfSIDF9mM

— DrMusa (@DrMusaMthombeni) January 1, 2023

Kumangale abantu becabanga ukuthi mhlawumbe bobili bayancokola ngoba bangabangani bakudala. Kodwa kuthuke abaningi uMthombeni esephendula u-Andile ngomlayezo othi sekuphele izinyanga eziyisikhombisa bamvala ezingcingweni zabo.

Lokhu kuveze isithombe esingesihle ebantwini ngoNcube, bemsola ngokufuna ukubhidliza umshado kaMthombeni.

Lomuntu ufuna ukuk'dlela phela!!! pic.twitter.com/A7HuaX8RTU

— iBhungu eLincane𓃓 ⓻🇿![CDATA[]]>🇦 (@Sgananda_ZN) January 3, 2023