Aphelile amaphupho ngesicoco sikaMiss Icora

UNOKWAZI “Kwazi” Ndwandwe ophume phambili kuMiss Icora 2022/23, ekakwe wuQaphile KaMahlangu Putsoane nomphathisiteshi,uBonga “Ncwadizeposi” Msweli isithombe:FACEBOOK

ISIMOMONDIYA saseMtubatuba, uNokwazi "Kwazi" Ndwandwe, sidle umhlanganiso kuMiss Icora FM 2022/23 eMfolozi Resort:The Dome, eMpangeni ngoLwesihlanu.

UKwazi ulandelwe ezithendeni nguNomcebo Bila kwathi uSne Nzuza walala isithathu. Akagcinanga ngalo mklomelo kodwa uKwazi ubuye wabaqwaqwada emakhanda abeqhathwe nabo ngisho nasemunxeni kaMiss People's Choice.

UNOKWAZI “Kwazi” Ndwandwe emukela isheke likaR10 000 kumphathisiteshi we-Icora FM, uBonga “Ncwadizeposi” Msweli kanti obukelayo uZonke “Gogo Phakama” Cebekhulu Isithombe:FACEBOOK

Kweminye iminxa kuhambe kanje: Emkhakheni kaMiss Personality, isicoco sikhale amaphepha noCharity Zulu. USenamile Sibiya yena uthathe isicoco sikaMiss Physique kwathi uSthe Mthembu wahlwitha esikaMiss Perseverence.

YIZO lezi zintokazi ebezidlana imilala kuMiss Icora 2022/23 eMfolozi Resort ngoLwesihlanu Isithombe:FACEBOOK

Phakathi kwamaciko abenandisa kubalwa uXowla noSne Zungu.

BEZI zinhle kanje iziphalaphala ebezibanga isicoco sikaMiss Icora 2022/23 eMfolozi Resort Isithombe:FACEBOOK