Zibahambele kahle abalingisi beHostela emcimbini wezindondo

ABALINGISI okukhona kubona uThobani Nzuza noKhaya Dladla, bahlonishwe ngezindondo ngezindawo ababezilingisa kwisizini yesibili yomdlalo eHostela.

Laba bahlonishwe emcimbini amaThe 9th Simon “Mabhunu” Sabela KZN Film and Television Awards, e-ICC, eThekwini ngoMgqibelo.

UThobani Nzuza uhlonishwe ngendondo yeBest Actor in TV kwathi uKhaya Dladla wahlonishwa ngendondo yeBest Supporting Actor.

UBaby Cele olingisa indawo kaGabisile emdlalweni Uzalo, uhlonishwe ngendondo yeBest Actress.

UFundiswa Zwane indawo eyamakhela ugazi kubantu bakuleli kaMadonsela ayeyilingisa emdlalweni Imbewu imenze wakhala wemuka nendondo yeBest Supporting Actress.

Umlingisi osafufusa, kulo mkhakha obonakale elingisa emdlalweni weMzansi Magic iVula Vala, uKhanyisani Kheswa uthole indondo yeNewcomer Actor on TV.

Intokazi yaseBergville, elingisa emdlalweni iDiepcity, uNompumelelo Vilakazi odlala indawo kaSnenhlanhla, uhlabane ngendondo yakhe yesibili selokhu angena kulo mkhakha njengoba ethole eyeBest Newcomer Actress in TV.

Uhlelo lwalo mcimbi beluphethwe uKhaya Mthethwa, kunandise umculi uBeast kanti abanye osaziwayo abebekhona uDr Thembi Mtshali osanda kuhlonishwa, Leleti Khumalo nabanye.

Abanye abawinile kulo mcimbi ilaba:

Best Supporting Actor : Film

Sir. Roelof Twijnstra Tokoloshe The Calling

Best Supporting Actress: Film

Mandisa Vilakazi Salamina

Best Newcomer Actor : Film

Vuyo Biyela Salamina

Best Newcomer Actress : Film

Thulisile Dlamini Help

Best Director in Film

Richard Green Tokoloshe The Calling

Best Screenplay in Short Film

Tanner Mitchison Nineteen Eighty-Six

Best Micro-Budget Made For TV

Andile Buwa Salamina