Ziyanda izintokazi ezichithwa kuMiss SA 2020
UZIZILE Mthembu, Oneida Cooper noBianca abaziqhathe nolaka lwabantu ezinkundleni zokuxhumana ngemibhalo yabo yakudala ecwasayo futhi enendelelo okubaphoqe ukuthi bahoxe kuMiss SA. Isithombe: @MaryjaneCPT/Twitter UZIZILE Mthembu, Oneida Cooper noBianca abaziqhathe nolaka lwabantu ezinkundleni zokuxhumana ngemibhalo yabo yakudala ecwasayo futhi enendelelo okubaphoqe ukuthi bahoxe kuMiss SA. Isithombe: @MaryjaneCPT/Twitter
INDUKU eshaye umkhangisi wengqephu uBianca Schoombe (21) emqhudelwaneni kaMiss South Africa 2020, seyiphinde yagadla kwabanye ababili ebebengenela lo zime ngenxa yezinkulumo ezicwasayo abazibhala kuTwitter.
Kuzokhunjulwa ukuthi uBianca uphoqelekile ukuba ahoshe imfe kulo mncintiswano emuva kokuvumbululwa kwenkulumo ayibhala kuTwitter eyayicwasa ngobuhlanga.
Izolo kubuye kwavela imibhalo yezinye zezintokazi zakuleli, uZizile Mthembu no-Oneida Cooper. UZizile, ongumsunguli weYoziGM Modeling Academy e-Eastern Cape, umemezele izinhloso zakhe zokungenela lo mqhudelwano muva nje. NjengoBianca, nakuye akuthathanga sikhathi ukuba kuvele amavundululu akhe ngenxa yombhalo ayewufake kudala kuTwitter.
UZizile waphoxa isisheli sakhe, wasingcofa ngamazinyo aso ayephuzi. Wathi asiyoxubha amazinyo. Isono sika-Oneida kwaba ukusebenzisa igama lokubandlulula ngokobuhlanga eliqala ngoN (okuyigama elisuselwe kokwakuthukwa ngalo abantu abamnyama ababeyizigqila eMelika).
Ngenxa yale mibhalo, kuzamazame uTwitter kuthiwa #ZizileMustFall futhi kubuye kuthiwe #OneidaCooper...
Yilo iqoqo lama-screenshots emibhalo kaZizile ayeyifake kuFacebook, ebe seyithunyelwa kuTwitter. Ugxekiwe kakhulu uZizile ngokuhlekisa ngamazinyo esisheli sakhe. Nabasondelene naye babe sebeza nezabo izindaba abazaziyo ngaye. Abasebenzisi bakaTwitter bathe akakhishwe u-Oneida ngenxa yombhalo wakhe onenhlese yobuhlanga.
U-Oneida ngomunye abadlana imilala kuMiss South Africa 2020 #MissSA2020 #OneidaCooper #Oneida #MissSA pic.twitter.com/jb1cuTQENR