Kuklonyeliswe u-Ouaddou noSkhwishi kweyeBetway Premiership
UMQEQESHI we-Orlando Pirates u-Abdeslam Ouaddou.
Image: BACKPAGEPIX
UMQEQESHI we-Orlando Pirates u-Abdeslam Ouaddou nomdlali wasesiswini weLamontville Golden Arrows, uSiyanda Ndlovu, badle umhlanganiso kumaBetway Premiership Awards kaSepthemba no-Okthoba.
Bobabili bayaqala ukuhlabana ngalezi zindondo kanti baqokwe yithimba lezintatheli ezilandela imidlalo yeBetway Premiership.
U-Ouaddou uthole umklomelo weCoach of The Month kwazise eZimnyama ziyinqobe yomithathu imidlalo yeligi eziyidlale kulesi sikhathi ebesibhekiwe, ziguqisa iSiwelele FC ngo 1-0, iTS Galaxy ngo 2-0 nePolokwane City ngo 1-0.
UMDLALI weLamontville Golden Arrows uSiyanda Ndlovu.
Image: BACKPAGEPIX
UNdlovu uqhubekile nomgqigqo omuhle ezithatha zombili izindondo zePlayer of the Month neGoal of the Month.
Lo mdlali ushaye amagoli amathathu, waba nesandla kwamanye amabili emidlalweni emihlanu yeligi edlalwe yiqembu lakhe ngoSepthemba nango-Okthoba.
Igoli alishaye ngo-Okthoba 22 benqotshwa yiStellenbosch FC ngo 4-3 lapho ejike khona inqwaba yabadlali ngaphambi kokubeka ibhola enethini, liqokwe njengegoli elivelele.