Injabulo nezinyembezi ezinkundleni ezahlukene eMzansi

Zakhele Xaba|Published 4 months ago

IQEMBU labesifazane le-University of Johannesburg lidle umhlanganiso emqhudelwaneni kazwelonke i-2025 Engen Knockout Challenge Champ of Champs emuva kowehlula iJVW ngo 1-0 kowamanqamu eMarks Park Sports Club eGauteng, ngeSonto

I-KAIZER Chiefs yehlulekile ukuvikela isicoco sayo se-2025 Engen Knockout Challenge Champ of Champs eyasinqoba nyakenye. Yehlulwe yiPanorama ngo 2-1 kowamanqamu eMarks Park Sports Club eGauteng, ngeSonto ntambama

IQEMBU le-netball laKwaZulu-Natal, iKingdom Stars, liqede lingomakhonya kuDivision 2 weTelkom Netball League, lalandelisa ngokuwina umdlalo wokuhlungela ukwenyukela kuDivision 1. Imidlalo isongwe eDurban ICC, ngoMgqibelo

LONA ngomunye weminyakazo kaThulisile Maduna weKZN Kingdom Stars ogcine eqokwe njengomdlali ovelele kuDivision 2 weTelkom Netball League esongwe eDurban ICC, ngempelasonto edlule.

ABADLALI abawole imiklomelo ngabodwana emqhudelwaneni iTelkom Netball League. Kusukela kwesokunxele, nguJohanne Meyer (Tshukudu), Thulisile Maduna (Kingdom Stars), Rehana Noah (Tornados) noNozipho Ntshangase weKingdom Stars

KUBE nemizwa eyahlukene kusongwa imiqhudelwano ehlukene ezinkundleni ezahlukene eNingizimu Afrika. ITheku beliyikhaya ezifundazweni ezahlukene njengoba kukade kudlalwa umlenze wokugcina weTelkom Netball League (TNL) eDurban ICC, ngoMgqibelo. Iqembu laKwaZulu-Natal, iKingdom Stars, lijabulise izinkumbi zabalandeli lenyukela kuDivision 1 emuva kowehlula iBaobabs yaseLimpopo ngo 60-42 emdlalweni wokuhlunga. Kwi-Engen Knockout Challenge Champ of Champs eGauteng, kugiye iPanorama yemuka nesicoco sikazwelonke.