Best Fifa Mens: Kuvela okungase kuphose uMessi ngaphansi

KUVELA okubukeka kuzokhalisa ngaphansi uLionel Messi embangweni we-2023 Best Fifa Men’s Award, ayibanga nenkentshane lomgadli weManchester, u-Erling Haaland.

Lokho, yizinsuku ezibalulwe njengokuzoqalwa ngazo ukwahlulela amabala ingwe ezophuma phambili ezodla ngawo.

Kuvela ukuthi amagalelo abhekwayo, aqala ngoDisemba 19, 2022 kuya ku-Agasti 20, 2023.

Kuzokhumbuleka ukuthi eqhulwini lamagalelo uMessi agabe ngawo, ngukunqoba i-2022 Fifa World Cup ne-Argentina ngo-Agasti 18 eQatar.

Uma kuzobanjelelwa kulezo zinsuku, lokho kuzomshiya enganambango kuHaaland uMessi.

UHaaland ngakolunye uhlangothi, ugile izimanga ngalezo zikhathi neCity enqoba iPremier League, FA Cup ne-UEFA Champions League, okungeyokuqala kuleli qembu lase-England.

Kuleso sikhathi, umgadli waseNorway uphule amarekhodi amagoli ubuthaphuthaphu.

Kubalwa elamagoli amaningi emlandweni ngesizini eyodwa yePremier League.

Useqoqe imiklomelo eminingi okubalwa ne-Uefa Men’s Player of the Year, FWA Footballer of the Year ngokunjalo nePFA Players’ Player of the Year.

Ngaphendle-ke kodwa kokunqoba iWorld Cup, uMessi naye usebenzile kwiParis Saint Germain eyisiza inqobe iLigue 1.

Ngo-Ephreli ukhuphukele emlandweni edlula uCristiano Ronaldo njengohamba phambili ngamagoli jikelele emaligini ase-Europe ngangu-702.

Kubalwa namagoli angu-1000 abandakanye kuwo esigabeni samaqembu.

Abasembangweni kwabesilisa:

Julian Alvarez (Manchester City & Argentina)

Marcelo Brozovic (Inter Milan & Croatia - now plays for Al Nassr)

Kevin De Bruyne (Manchester City & Belgium)

Ilkay Gundogan (Manchester City & Germany - now plays for Barcelona)

Erling Haaland (Manchester City & Norway)

Rodri (Manchester City & Spain)

Khvicha Kvaratskhelia (Napoli & Georgia)

Kylian Mbappe (Paris Saint-Germain & France)

Lionel Messi (Paris Saint-Germain & Argentina - now plays for Inter Miami)

Victor Osimhen (Napoli & Nigeria)

Declan Rice (West Ham & England - now plays for Arsenal)

Bernardo Silva (Manchester City & Portugal).

Abasembangweni kwabesifazane:

Aitana Bonmati (Barcelona & Spain)

Linda Caicedo (Real Madrid & Colombia)

Rachel Daly (Aston Villa & England)

Kadidiatou Diani (Paris Saint-Germain & France - now plays for Lyon)

Caitlin Foord (Arsenal & Australia)

Mary Fowler (Manchester City & Australia)

Alex Greenwood (Manchester City & England)

Jennifer Hermoso (Pachuca & Spain)

Lindsey Horan (Lyon & United States of America)

Amanda Ilestedt (Paris Saint-Germain & Sweden - now plays for Arsenal)

Lauren James (Chelsea & England)

Sam Kerr (Chelsea & Australia)

Mapi Leon (Barcelona & Spain)

Hinata Miyazawa (MyNavi Sendai & Japan - now plays for Manchester United)

Salma Paralluelo (Barcelona & Spain)

Keira Walsh (Barcelona & England).