UZwane ubheke oweFootballerof the Season

UMDLALI wasesiswini weMamelodi Sundowns, uThemba Zwane, ukubheke ngabomvu ukuhlabana ngomklomelo weFootballer of the Season namuhla uma iPremier Soccer League isimemezela abadlali abavelele ngesizini ka-2019/2020.

Umcimbi ozokwenziwa ngohlelo lwe-virtual ukulandela imigomo yokuphepha yeCoronavirus, uzokhonjiswa bukhoma kwiSuperSport ngo-8 ebusuku.

Umunxa ohlezi ubhekwe ngabathandi abaningi bebhola owePSL Footballer of the Season, ophelezelwa yisheke lika-R250 000.

UZwane uzobe ebanga nozakwabo kwiSundowns, uGaston Sirino, umdlali weKaizer Chiefs, uSamir Nurkovic noPeter Shalulile obegijima kwiHighlands Park ngesizini edlule. Umunxa uvotelwa ngabaqeqeshi bamaqembu adlala esigabeni esiphezulu. Ngesizini edlule wathathwa ngumdlali we-Orlando Pirates, uThembinkosi Lorch, owanqoba nowePlayer’s Player of the Season.

UZwane ubuye aqokwe emunxeni weMidfielder of the Season, Players’ Player of the Season.

“Yonke imiklomelo ibalulekile kodwa omkhulu kakhulu oweFootballer of the Season. Uma ngingase nginqobe ngizobonga ozakwethu, umndeni wami ngokungeseka engikuthakasela kakhulu. Kuzongijabulisa ngoba kuzobe kusho ukuthi konke ukusebenza ngokuzikhandla kube nezithelo ezinhle,” kusho uZwane ekhuluma nabePSL izolo.

Emunxeni wabaqeqeshi ngeke kumangaze uma uPitso Mosimane engaphinde ahlabane ngalo mklomelo awuthathe ngesizini edlule. UMosimane, oseqeqesha i-Al Ahly e-Egypt, uhole iSundowns iqopha umlando inqoba izicoco ezintathu. Ivikele ngempumelelo isicoco seligi, yanqoba iTelkom Knockout neNedbank Cup.

UShalulile uvele uzohlomula kwabashaye amagoli ngenxa yokuthi ugcine ebambeme nomdlali we-Orlando Pirates uGabadinho Mhango ngokushaya amagoli awu-16 kwiligi.

Eminye iminxa imi kanje:

Absa Premiership Coach of the Season

Ernst Middendorp (Kaizer Chiefs)

Pitso Mosimane (Mamelodi Sundowns)

Eric Tinkler (Maritzburg United)

Absa Premiership Young Player of the Season

Bongokuhle Hlongwane (Maritzburg United)

Goodman Mosele (Baroka FC)

Sphesihle Maduna (AmaZulu)

Absa Premiership Goalkeeper of the Season

Daniel Akpeyi (Kaizer Chiefs)

Denis Onyango (Mamelodi Sundowns)

Ronwen Williams (SuperSport United)

Absa Premiership Defender of the Season

Daniel Cardoso (Kaizer Chiefs)

Rushine De Reuck (Maritzburg United)

Motjeka Madisha (Mamelodi Sundowns)

Absa Premiership Midfielder of the Season

Lebogang Manyama (Kaizer Chiefs)

Thabo Nodada (Cape Town City)

Themba Zwane (Mamelodi Sundowns)

MTN8

MTN8 Last Man Standing

Clayton Daniels (SuperSport United)

Bradley Grobler (SuperSport United)

Ronwen Williams (SuperSport United)

TELKOM KNOCKOUT

Telkom Knockout Player of the Tournament:

Judas Moseamedi (Maritzburg United)

Gaston Sirino (Mamelodi Sundowns)

Hlompho Kekana (Mamelodi Sundowns)

NEDBANK CUP

Nedbank Cup Most Promising Player

Keletso Makgalwa (Mamelodi Sundowns)

Evidence Makgopa (Baroka FC)

Sifiso Ngobeni (Bloemfontein Celtic)

*(under 23)

Nedbank Cup Player of the Tournament

Terrence Dzvukamanja (Bidvest Wits)

Victor Letsoalo (Bloemfontein Celtic)

Motjeka Madisha (Mamelodi Sundowns)

Imi kanje imihlomula ezotholwa abanqobile kumaPSL Awards:

Absa Premiership Players’ Player of the Season: R200 000

Coach of the Season: R75 000

Goalkeeper of the Season: R50 000

Defender of the Season: R50 000

Midfielder of the Season: R50 000

Young Player of the Season: R50 000

Absa-lutely Goal of the Season: R50 000

Top Goalscorer of the Season: R50 000

MTN 8 Last Man Standing: R80 000

TKO Player of the Tournament: R200 000

Nedbank Cup Most Promising Player: R50 000

Nedbank Cup Player of the Tournament: R150 000

GladAfrica Top Goalscorer: R50 000

Referee of the Season: R50 000

Assistant Referee of the Season: R40 000